GMH/ÍNDICE A-Z

236
1204/11/01.

Martiño Pérez “Garavitus” e o seu irmán Pedro Eáns véndenlle ó mosteiro de Toxos Outos as súas herdades en varias vilas da freguesía de S. Tomé de Ames por cincuenta e oito soldos.

B.- Tombo, f. 82r.

Carta de Pedras et de Quintanis et de Costeela, de Celario, de Petrono.

In nomine Domini. Ego Martinus Petri dictus Garauitus et frater meus Petrus Iohannis et omnis uox nostra vobis domno Petro, monasterio Sancti Iusti abbati, omnique conuentu eiusdem monasterii omnique uoci uestre grato animo et spontanea uoluntate facimus textum scripture firmitatis et cartam uendicionis imperpetuum ualitura de nostra propria hereditate quantamcumque habemus tam de auolencia quam de ganancia in uillis nominatis Pedras, Quintanas, Costanela, Cellario et Patrono; et est portio nostra determinata quarta de hereditate que fuit de Iohanne Uerua de auolencia et de ganancia in ipsis villis concurrentibus ad ecclesiam Sancti Thome de Oyames, que hereditas nobis euenit ex parte matris nostre Marie Iohannis. Hanc igitur nostram hereditatem uobis ab integro uendimus ac firmiter concedimus cum omnibus suis directuris et adiunctionibus eidem hereditati pertinentibus intus et extra cum casis et casalibus, terris cultis uel incultis, arboribus et plantatibus omnium generum, exitibus et regressibus, montibus et fontibus, pratis, pascuis et cum quanto ad prestitum hominis est ubicumque inuenire potueritis per suos terminos et diuisiones antiquas pro precio quod nobis et uobis satis complacuit, uidelicet solidos La VIIIo cum robore placabili, et tam de precio quam de robore apud uos nichil remansit in debito ad soluendum. Ita ab hinc habete, possidete, uendite, donate et omne uelle uestrum ex ea facite in secula seculorum. Siquis tamen propincus uel extraneus contra hanc cartam ad infringendum uenire presupserit quantum calumpniauerit in duplo uel triplo componat et uobis insuper solidos C XVI exsoluat; et hec carta semper sit firma.

Facta carta vendicionis kalendas nuuembris sub era Ma CCa XLa IIa.

Nos iamdicti in hac carta manus nostras.

Q. p. f.: Petrus Martini, diaconus, conf. Cresconius Pelaiz, conf. Johannes Pelaiz, conf. Fernandus Muniz, miles de Montanis, conf. Pelagius Iohannis, conf.  Johannes Aaron, conf. Pelagius Zapatarius, conf. Ego Pelagius Nuniz, presbiter,  conf.

Suerius Pelagii notuit de mandato Petri Martini, diaconi, in cuius manibus roboratum fuit. (Monogramma: SVERIVS).