GMH/ÍNDICE A-Z

212
1226/05/27.

O cardeal compostelán don Pedro Ordóñez dóalle ó mosteiro de Toxos Outos a súa casa na cidade de Santiago para que lle fagan un aniversario anualmente no mosteiro.

B.- Tombo, ff. 75v-76r.
Carta de domo de Villari.

In Dei nomine. Propter labentem memorie cursum tutum est ut ea que fiunt scripture tenaci commendentur vnde ego Petrus Ordonii, ecclesie Beati Jacobi cardinalis, et omnis uox mea vobis domno Johanni, monasterii Sancti Justi abbati, omnique conuentui monachorum ipsius monasterii grato animo facio cartam donationis et textum scripture firmitatis imperpetuum valituram de mea propriadomo quam habeo in compostellana urbe que est sita loco certo inter ipsas alias uestras domos; quam scilicet domum ego ganaui de Marina Didaci de Superado et uiro suo Didaco Gosendez et quam iam dudum uobis dederam. Hanc igitur meam domum vobis ab integro do ac firmiter concedo cum omnibus suis directuris et adiunctionibus eiusdem domui pertinentibus intus et extra cum suis exitibus et portalibus ante et retro cum suo currale et cum solio et sotalo et aquis uertentibus et parietibus et cum materiis et tegulis quomodo a fundamento est fundata et consumata, et uos in unoquoque anno faciatis pro me anniuersarium. Ab hinc itaque habete possidete uendite donate et omne uelle // uestrum ex ea in secula seculorum, amen. Siquis propincus aut extraneus contra hanc cartam ad infringendum uenerit usque in septimam generationem sit maledictus et excomunicatus et pectet uobis mille solidos. Hanc tamen cartam nichilominus in suo robore permanente.

Facta carta donacionis die VIo kalendarum junii, sub era Ma CCa LXIIII.

Ego iamdictus in hac carta donationis manus meas.

Q. p. f.: Johannes Petri de Moneta Noua, conf. Martinus Petri, conf. Petrus Lainus, conf. Johannes Romanz, conf. Petrus Muniz, conf. Petrus Affonsi, conf.  Adan Martinz, conf. Johannes Iohannis de Pestomarcos, conf.

Suerius Pelagii, presbiter, compostellanus publicus notarius iuratus, scripsit. (Monogramma: SUERIUS).