GMH/ÍNDICE A-Z

487
1274/12/01. Noia.
O mosteiro de Toxos Outos cambia con dona Sancha Afonso o casal de Soutelo, en S. Miguel de Camboño, pola parte que a dona ten nas vilas de Beade e Busto, en S. Vicente de Augas Santas, e Beluso, en S. Pedro de Bealo. Inclúese ó final do documento a autorización que para realizar tal cambio dá don Nuno Fernández, arcediago do Salnés e vigairo do arcebispo de Santiago.

B.- Tombo, f. 136rv.

Transcr.- SALVADO MARTÍNEZ, B.- “Tumbo de Toxosoutos...”, doc. n.º 53, pp.  223-224.

Placitum commutacionis inter monasterium et domne Sancie Alfonsi de casale de Soutelo et de villare de Biade.

Era Ma CCCa XIIa et quotum kalendas decenbris. Notum sit omnibus quod nos domnus Sancius Iohannis, abbas monasterii Sancti Justi de Tribulis Altis, faciens pro me et pro omni conuentu eiusdem monasterii, damus et firmiter concedimus vobis domne Sancie Alfonsi, filie quondam domni Alfonsi Iohannis de Barualgos, omnique uoci uestre perpetuo in concambio illud casale nostrum de Soutello cum omnibus suis directuris quod casale de nobis tenuit Petrus Fernandi dictus Bochon de Noya et uxor sua Maria Pelagii, quod casale tenet de nobis modo Martinus Nuniz de Soutello in filigresia Sancti Michaelis de Canbonio; damus uobis eum sicut ipse ipsum tenet cum omnibus suis directuris et sicut usque modo eum pro nobis possederunt ut habeatis inperpetuo et faciatis de eo quicquid uobis uel uoci uestre placuerit. Et propter hoc quod uobis damus vos domna Sancia Alfonsi // pro uobis et pro omni uoce uestra datis et firmiter conceditis dicto monasterio Sancti Justi quinque septimas integras et de sexta et medietate illius villaris quod uocatur de Biade excepta inde VIIIa que est de Sancto Jacobo, et datis predicto monasterio predictas septimas cum tota populancia unius hominis quam tenetis in ipsa hereditate et datis predicto monasterio omne ius quod habetis in illa hereditate quam tenet Petrus Didaci Alferez, in pignore de Gunsaluo Garsie pro solidis CCC alfonsine monete in ipsa villa de Biade quod ius uobis pertinet racione aui uestri domni Iohannis Didaci de Barualgos. Item datis predicto monasterio quatuor nonas integras de medietate illius uillare de Busto Inferiori quas ei debetis facere quitas et liberas de sorore uestra Vrraca Alfonsi. Item datis predicto monasterio illam laream de Salgeyros que iacet in illa hereditate que uocatur de Laua Pees. Item datis predicto monasterio quantum habetis ex portela de Aldiriz usque Sanctum Uincencium de Aquis Sanctis tam de auo quam de ganantia et in tota ipsa filigresia Sancti Vincencii supradicti. Et datis predicto monasterio VIIIam partem de villari de Belluzoo cum omnis suis directuris. Et omnia supradicta que dicto monasterio datis debetis eidem facere de pace in omni tempore per uos et per omnia bona uestra habita et habenda, et nos similiter debemus uos et uoci uestre facere de pace ea que uobis damus per nos et per omnia dicti monasterii. Et hoc concambium fuit factum per litteram domni Nuni Fernandi, archidiaconi de Salnes, vicarii domni Gundisalui, Dei gratia compostellani archiepiscopi, cuius tenor talis est:

Nouerint uniuersi quod ego Nunus Fernandi, archidiaconus de Salnes,  vicarius domni Gundisalui, Dei gratia compostellani archiepiscopi, concedo et ratum habeo illam permutacionem seu concambium quam uel quod abbas et conuentus Sancti Justi de Togis Altis ex parte una et Sancia Alfonsi pro se et pro omni uoce sua faciunt per Johanne Petri, notarius de Noya, et cetera.

Siquis igitur contra hoc uenerit pectet alteri parti quingentos morabitinos alfonsinis monete; strumentis istis in suo robore nichilominus duraturis.

Presentibus: domno Simeone de Legione; Pelagio Fernandi de Noya; Martino Arie, iudice de Noya; Fernando Romeo, armigero; domno Aria Romeo; Saluatore Martini et Dominico Martini, monachis eiusdem monasterii.

Ego Johannes Petri, notarius concilii Noye juratus, interfui et de mandato meo Dominicus Petri scripsit.

Ego Dominicus Petri de mandato Johannis Petri, notarius supradicti, scripsit et interfui.