GMH/ÍNDICE A-Z

Referencias da busca neste documento para: Os documentos do Tombo de Toxos Outos

462
1209/11/18.
Adosinda Fernández dóalle ó mosteiro de Toxos Outos a súa herdade en S. Xoán de Buxán.

B.- Tombo, f. 131r.

Carta Adosinde Fernandi de quinione suo ecclesie Sancti Johannis de Bugiam.

Svb Christi nomine. Ego Adosinda Fernandi et omnis uox mea pro Dei amore et sanctorum Iusti et Pastoris et pro remedio anime mee et parentum meorum facio testamentum et cartulam donationis imperpetuum ualituram vobis domno Petro, monasterii Sancti Justi abbati, et priori Iohanni Tudini et omnibus fratribus ibidem Deo seruientibus de mea tota hereditate tam ecclesiastica quam laycali quam ego habeo in terra de Iria in loco certo in ecclesia Sancti Iohannis de Bugiam, quam hereditatem habui ego Adosinda Fernandi de meo padrigogo Munione Affonsi, presbitero, qui hereditauit me germaniter cum suis filiis in tota sua hereditate quam ibi habebat de auolencia et de ganancia tam in ecclesiastica quam in laicali. Ego ex hodie dono et concedo uobis domno Petro, monasterii Sancti Iusti abbati, et monasterio uestro totam meam porcionem integram predicte hereditatis que mihi euenit inter filios ipsius Munionis Alfonsi cum montibus et fontibus, cum casis et casalibus, cum exitibus et regressibus et cum quanto aprestitum hominis est; habeatis igitur totam ipsam meam porcionem predicte hereditatis uos et omnis posteritas uestra, et de ea omne uelle uestrum faciatis in secula seculorum. Siquis uero contra hoc uoluntarium meum factum uenerit uel irrumpere temptauerit sit maledictus et cum Datam et Abirom in inferno dampnatus et insuper pariat solidos Dos; semper hoc meo facto in suo robore permanente.

Facta karta testamenti die XIIIIo kalendas decembris in era Ma CCa XLa VIIa.

Ego Adosinda Fernandi in hoc testamento quod fieri iussi manus roboro et facio signum.

Q. p. f.: Martinus Muniz de Jales, ts. Petrus Martini dictus Pigarius, ts. Munio Petri, ts. Petrus Petri de Salanio, conf. Johannes Didaci dictus Nauacela,  conf. Johannes Petri cognomento Bulsarius, conf.

Dominicus, presbiter et cantor, qui notuit et conf.