GMH/ÍNDICE A-Z

Referencias da busca neste documento para: Tombo de Celanova

134
1108/ 11 / 22

Fernando Fernández dóalle a Godo Pérez como carta de doazón, arras e dote, varias villae no territorio da Limia.

TC, fols. 50r. - 50v.

In nomine sancte et individue Trinitatis Pater et Filius et Spiritu Sanctus amen. / Ego famulus Dei Fernando Fernandiz tibi nobilissima Godo Petriz in Domino Deo salutem amen. Ideo placuit mihi spontanea mea voluntate ut facerem tibi Godo Petriz cartulam donationis sive de arras et de dotis et firmitatis de hereditate mea propria quam habeo de ganantia sive de comparadela. Et abet iacentiam ipsa hereditas in territorio Limie villas prenominatas quas comparavit Fernando Fernandiz de comite domno Adefonso, media de casa sola et media de Gutis de illo casar, et quarta de Manim que est in Parada per ubi illas potueritis invenire per suis locis et terminis antiquis cum quanto a prestitum mea hominis est, sive domus cum intrinsecus et omnia genera arborum, terras fructuosas vel infructuosas, exitus montium et regressus, concedo vobis uno cavalo baio et uno homine de criacione. Scilicet homo dimittere uxorem suam quamcumque ex causa et dixit propter hoc dimittet homo patrem et matrem, et adherebit uxori sue sicut ait apostolus, Erunt inquid duo in carne una, iam non sunt duo sed una caro. Et item Dominus ait, Quod Deus converixit homo non separet. Et abet iacentiam ipsa hereditas in villas predictas in casa sola et in Gutis, et in Parada, subtus mons sancto Georgio et alio mons sancti Pelagii, discurrente flumine Laraia, vocabulo eclesias sancti Iohannis et sancti Salvatoris et sancte Christine. Ita ut de odie die et tempore sit ipsa hereditas de iuri nostro abrasa et in vestro dominio sit tradita atque confirmata, et quod de ea facere volueritis liberam in Dei nomine abeatis potestatem. Si quis tamem, quod fieri minime credo, aliquis homo venerit vel venerimus contra hoc factum nostrum et nos in concilio noluerimus auctorgare, tunc abeatis licentiam adprehendere de nos ipsas hereditates duplatas vel triplatas, et ad iudicem terre solidos D.

Facta karta donationis sive de arras et dotis notato die quod erit Xm kalendarum Decembris. Era M C XLVI. Et hoc actum semper sit firmum. Regnante rege Adefonso in Legio civitas et regina Tarasia in Limia, et dux Fernandus, tenente Limia comde domno Moino, in sede Auriense Didacus episcopo, Pelagius abbas in Cellanova.

Ego Fernando Fernandiz tibi Godo Petriz in hanc kartam manum meam roboro.

Pro cfr: Munio Gundisalviz cfr. Petro Fernandiz. Velasco Moniz cfr.

Pro testes: Petro ts. Pelagio ts. Martino ts.

Ego Monio presbiter qui notuit (signum).