GMH/ÍNDICE A-Z

361
1218/07/03. Santiago de Compostela.

María Páez dóalle ó mosteiro de Toxos Outos a súa parte na igrexa de S. Xulián de Luaña.

B.- Tombo, ff. 110v-111r.

Carta de Maria Pelagii de parte sua ecclesie Sancti Juliani de Loania.

In Dei nomine. Quam sacri eloquii, et cetera. Qua propter ego Maria Pelagii et omnis uox mea vobis domno Johanni, monasterii Sancti Justi abbati, omnique conuentu monachorum eiusdem loci et uoci uestre ad honorem omnipotentis Dei et beate Marie semper uirginis et sanctorum Justi et Pastoris et omnium sanctorum Dei ob remedium anime mee et pro remissione peccatorum meorum et patris et parentum meorum facio textum scripture firmitatis et cartam donationis imperpetuum ualituram de mea porcione quantamcumque habeo uel habere debeo in ecclesia Sancti Juliani de Luania que mihi euenit ex parte patris mei domni Pelagii Didaci et patrui mei domni Alfonsi Didaci tam de auolencia quam de ganancia. Hanc igitur meam porcionem uobis do ac firmiter concedo cum omnibus suis directuris et prestacionibus eidem ecclesie pertinentibus intus et extra cum casis, casalibus et hereditaturis suis et plantatibus et cum quanto aprestitum hominis est per ubicumque inuenire potueritis per suos terminos et diuisiones antiquas. Ita quod ex hodierno die et tempore de iure meo sit remota uestroque iuri ac dominio sit tradita atque confirmata; ab hinc itaque habete, posidete, uendite, donate et omne uelle uestrum de ea imperpetuum facite in secula seculorum, amen. Siquis tamen ex parte mea autem ab extranea contra hoc meum uoluntarium factum ad irrumpendum uenerit ex parte omnipotentis Dei et mea usque in sempiternam generacionem sit / inferno dampnatus, et quantum calumpniauerit in duplo uel triplo componat et insuper solidos Dos exsoluat; hac tamen scriptura semper in suo robore permanente.

Facta carta donationis die Vo nonas julii sub era Ma CCa La VIa.

Ego iamdicta Maria Pelagii hanc cartam quam libenter fieri iussi propriis manibus roboro et confirmo.

Q. p. fuerunt: Johannes Reynes, conf. Petrus Uilanus, monachus, qui fuit uir ipsius Marie Pelagii, presens, conf. Johannes Muniz, cabalarius, conf. Fernandus Fernandi, vestiarius Sancti Martini, conf. Arias Petri de Atrio, conf. Lupus Petri dictus de Angaria, conf.

Suerius Pelagii interfuit et scripsit et conf. (Monogramma: SVERIUS).