GMH/ÍNDICE A-Z

52
1239/02/—. Braga.

Composición feita entre os mosteiros de Toxos Outos e Tibães sobre os dereitos que o primeiro dos cenobios tiña que pagalle anualmente ó segundo polo couto de Paredes. Toxos Outos comprométese a entregarlle a Tibães tódolos anos, no mes de setembro, un áureo e seis moios de sal, que debe levar pola súa conta á igrexa de Santa María de Areas.

B.- Tombo, f. 35r.

De Paredes en Purtugal.

Notum sit omnibus tam presentibus quam futuris quod talis compositio interuenit inter domnum Durandum, abbatem, Petrum Uelium, priorem de Tibianis, ex una parte, et donum Johannem, abbatem, Martinus Seniz, Johannem Didaci, monachos Sancti Justi de Togis Altis ex altera, super quinque modiis de sale, decem talegis de ceuada et uno aureo que omnia dictus abbas de Tibianis debebat habere de cauto et in cauto de Paredes annuatim et super eo quod inde amplius exhigebat, videlicet quod Johannem abbatem seu abbas qui pro tempore fuerit in monasterio Sancti Justi persoluat abbati de Tibianis per totum sex modios de sale et unum aureum annuatim in mense septembri, quem salem debet abbas Sancti Justi ducere per expensas proprias et sub suo etiam periculo ad ecclesiam Sancte Marie de Arenis et intus ponere, et abbati de Tibianis hoc intimare statim quo facto non debet abbas Sancti Justi de illo sale ulterius respondere; et ad hunc salem et aureum anuatim soluendos abbas et monachi supradicti obligant dictum cautum de Paredes. Abbas uero Tibianus nunquam debet plus exigere in ipso cauto nec ipsum per se uel per alium impedire, nec abbate Sancti Justi ultra quam scriptum est superius inquietare; et si forte aliquas cartas super hoc habet nullam contra hanc compositionem habeant firmitatem. Siquis uero uenerit tam ex parte una quam ex altera contra hac compositionem ad irrumpendum pectet alteri parti compositioni obtemperanti uel cui uocem suam dederit centum morabitinos, compositione ista nichilominus in suo robore permanente. Et ut hoc factum firmius robur obtineat sunt inde facte due carte consimiles per alphabetum diuise quarum unam habet monasterium de Tibianis et alteram monasterium Sancti Iusti.

Et fuerunt facte in presencia domni Sancii, archiepiscopi bracarensi, per manum Stephani Petri, tabelionis eiusdem ciuitatis mense februarii, era Mª CCª LXXª VIIª.

Petrus. Johannes. Menendus, ts.

(Signum)