GMH/ÍNDICE A-Z

11
1293, novembro, 18

foro

Pedro Galván, arcediago de Limia e prestameiro de Siabal, afóralle a unha voz a Domingo Iánez de Hermende e á súa muller, María Pérez, o agro de Casquydo por terza e vasalaxe.

 

ACOu, Escrituras VI, 20

(ed. M. B. Vaquero Díaz / F. J. Pérez Rodríguez, Colección documental del archivo de la Catedral de Ourense, II, 533-534, doc. 682)

 

Noverint universi quod presente et concedente domino Petro episcopo auriense, ego Petrus Gualvan archidiaconus de Limia in ecclesia auriense tenens prestimonium de Seebal, do ad forum vobis Domenico Iohani de Hermeende et uxori vestre Marie Petri et uni vestro filio amborum quod superstes vestrum amborum nominaverit tempore obitus sui, agrum de Casquydo qui fuit Munionis Catalum secundum quod dividitur cum foro de senrra et deinde quomodo dividitur per leyram Fernandi Petri et tendit ad fontem de Casquydo et dividitur superius cum leyra Martini Martini et deinde quomodo dividitur per leyram casalis Urssarie et intestat in a Vessada Regueenga quam fecit Johanes Menendi et dividitur per paredelam de super Puçaca. Do imquam vobis predictum agrum et dicto filio vestro amborum hoc modo ut vos et ipse filius vester excolatis et paretis bene ipsum agrum ita quod non deffeciat per culturam, et detis mihi et illis qui tenuerint dictum prestimonium per maiordomum prestimoniarii terciam partem de omni fructu ex ipso agro proveniente, et sitis vassalli mei et illorum qui preffatum prestimonium tenuerint ita quod nunquam vos nec ipse filius vester contra me nec contra illos qui ipsum prestimonium tenuerint super dicto agro invocetis dominum nec deffensionem alicuius pro dominum prestimoniarii, et predictus ager non dividatur post mortem vestram nisi in unam personam vocis vestre et ita in vita vestra et filii vestri predicti observetur. Et si nos vel filius vester qui in dicto agro succeserit post mortem vestram agrum predictum vendere aut obligare volueritis, prius mihi vel illi qui predictum prestimonium teneuerint vendatis vel obligetis pro iusto precio quam alii, et si ego vel ille qui illum tenuerit emere aut obligatum recipere noluerimus tunc vendatis vel obligetis non militi nec religiose persone nec generose nec maiordomo nec servo nec burgensi nec moratori auriensis nec de burgo nec de alio loco forario nec civi, set tali persone que moretur in parrochie ecclesie de Seabal et que teneatur ad omnia ad que vos ex ista pactione tenemini. Et si inter me vel alios qui dictum prestimonium tenuerint et vos vel filium vestrum orta fuerit questio super agro predicto per episcopum auriensem omni appellacione postposita terminetur. Et post mortem vestram et filii vestri predicti ager predictus ad me vel ad alios qui dictum prestimonium tenuerint libere tenduatur. Item si per impotenciam aut negligenciam cultura predicti agri omissa fuerit vel ea que superius continetur non fuerint abservata, ipso facto vos et filius vester cadatis omni iure quod in ipso agro habetis et licitum sit illi qui predictum prestimonium tenuerit ipsum agrum prout illud invenerit auctoritate propria recipere et habere. Facta carta Aurie, xiiiiº kalendas decembris, era mª cccª xxxiª. Presentibus testibus ad hoc vocatis Munnice Lupi monacho Sancti Petri de Rupibus, Alffonso Iohanis consobrino olim domini Martini Leal, Laurencio Petri homine archidiaconi predicti et Johane Palas homine Nuni Gunsalvi.

Et me Gomecio Iohanis domini Petri dei gracia episcopi auriensis et civitatis eiusdem publico notario qui adhibitus interffui et scripsi signumque meum apposui.

(signum)