GMH/ÍNDICE A-Z

Referencias da busca neste documento para: Os documentos do Tombo de Toxos Outos

463
1264/06/15.

Sentencia dada por árbitros no preito entre o mosteiro de Toxos Outos e Xiao Pérez “Boleiro” de Sonar sobre a oitava da igrexa de S. Xoán de Buxán que lle doara ó mosteiro o crego desa igrexa Pedro Ordóñez, pai de Xiao Pérez. A sentencia é favorable ó mosteiro e impónselle silencio a Xiao Pérez sobre o preito.

B.- Tombo, f. 131rv.

Sentencia super VIIIa ecclesie de Bugiam.

Era Ma CCCa IIa et quotum XVIIo kalendas iulii. Notum sit omnibus quod coram nobis Petro Iohannis de Pecatriz et Petro Beyco de Bugiam, arbitris, mota fuit questio inter abbatem monasterii Sancti Iusti de Togis Altis et conuentum eiusdem ex una parte et Julianum Petri de Sonar dictum Boleyro ex altera in hunc modum: petebat siquidem dictus Julianus Petri a domno Juliano Fernandi, abbate Sancti Iusti de Togis Altis, et a conuentu suo VIIIam partem tocius ecclesie Sancti Iohannis de Bugiam, quam octauam dicebat fuisse de patre suo Petro Ordonii, clerico quondam dicte ecclesie de Bugiam, de qua octaua dictus Petrus Ordonii comparauerat medietatem de sorore sua Maria Ordonii, et aliam medietas fuerat de de patrimonio suo. Cui dictus abbas pro se et pro conuentu suo litere contestando respondit quod non tenebatur ei redere cum dictus Petrus Ordonii dedisset et donasset dictam VIIIam integram tocius ecclesie Sancti Iohannis de Bugiam quam ipse petebat monasterio Sancti Iusti de Togis Altis per bonas cartas quas inde habebat et quas nobis demostrare uolebat; et tunc nos interrogauimus dictum abbatem et dictum Julianum si uolebant stare mandato nostro, et ipsi dixerunt quod uolebant et ipsi iurauerunt in manibus nostris quod starent mandato nostro composicio, arbitrio, iudicio siue laudo. Vnde nos supradicti Petrus Iohannis et Petrus Beyzo, arbitri, auditis racionibus ab utraque parte propositis uisis supradictis cartis per quas monasterium Sancti Iusti dictam octauam ecclesie ganauerat et habito consilio super eis cum peritis presente utraque parte et sentenciam cum instancia postulante nos sedentes pro tribunali judicando, componendo seu arbitrando mandauimus quod dictum monasterium haberet et possideret dictam octauam ecclesie Sancti Iohannis de Bugiam sicut nominant carte sue quas inde habebant, et inposuimus silencium dicto Juliano Petri super iamdictam octauam ecclesie Sancti Johannis de Bugiam a qua sentencia // nullus illorum appellauit.

Huius rei testes: Pelagius Pelaiz, prior Sancti Iusti. Alfonsus Martini et Martinus Leuis, monachi. Martinus Moogus de Carnota. Martinus Iohannis et Pelagius Iohannis, clerici Sancti Juliani de Bastauales. Petrus Stephani de Roo. Fernandus Pelaiz, clericus Sancti Iuliani de Bastauales.

Ego Simon Petri, notarius juratus de Amaya, scripsi, interfui et confirmo et in ea signum meum apposui. (Monogramma: SIMON PETRIS).