GMH/ÍNDICE A-Z

20
1126/03/09. Sahagún.

Afonso VII dóalle a Pedro Muniz de Carnota a herdade de Rates, cos seus apéndices e homes, en S. Martiño de Rates.

B.- Tombo, ff. 12v-13r.

Transcr.- RECUERO ASTRAY, M.; GONZÁLEZ VÁZQUEZ, M. e ROMERO PORTILLA,  P.- Documentos medievales..., doc. n.º 18.
Rex.- SÁNCHEZ BELDA, L.- Documentos reales de la Edad Media..., doc. n.º 203.

Qvoniam que a regibus alicui ad utilitatem conferuntur necesse est ut litterarum  serie suscribantur, qua propter ego Adefonsus, Dei gratia Hispanie rex,  facio cartam donationis de quadam hereditate mea tibi Petro Moninz de Carnota  que uocatur Rates cum omnibus suis appendiciis et cum suis hominibus intus et  foras morantibus; ita dono vobis ipsam villam ab integro ut de hodie die habeatis  eam uos et omnis sucessio uestra pro fideli seruicio quod mihi fecistis et facietis per  omnes suos terminos et // antiquas diuisiones sic do vobis quantum ibi mihi pertinet.  Et est ipsa villa in ripa Tamaris subtus monte Banen, concurrens ad ecclesiam  Sancti Martini, et concluditur per kandera de Gintines et inde per Briom de Suso,  et de alia parte per terminos de Roo, et inde per Sarantes et per Alueida. Si uero aliquis  homo potens uel inpotens, nobilis uel ignobilis contra hoc meum regium  donum irrumpendum uenerit quisquis fuerit, sit maledictus et excomunicatus et  cum Iuda Domini proditore dampatus, et insuper pariat mille solidos regalis monete;  et hoc meum factum maneat firmum.

Facta carta donationis et confirmationis in Sancto Facundo era Mª Cª LXª IIIIª et quotum idus martii.

Ego Adefonsus, tocius Hyspanie per Dei graciam imperator, quod fieri mandaui proprio robore confirmo (Signum).

Infanta domna Sancia quod frater meus dedit, conf. Comes donus Munio,  conf. Petrus Didaz de Valle, maiordomus in curia regis, conf. Telo Alfonso, signífero regis, conf.

Munio Tacum, tenens Sanctum Facundum, conf.  Munio, vallibriensis episcopus, conf. Didacus, legionensis episcopus, conf.  Alo, astoricensis episcopus, conf. Pelagius Pinto, conf. Alfonsus Guntadiz, conf.  Gutier Ramiriz, conf.

Ciprianus Petriz, regis notarius, scripsit.