GMH/ÍNDICE A-Z

101
1153/06/13.

Dona Ermesinda Muniz, monxa, que fora muller de don Sarraceno, dóalle no seu testamento ó mosteiro de Toxos Outos parte da vila de Cendón, en S. Miguel de Valadares, e a súa parte na igrexa de S. Salvador de Torea.

B.- Tombo, f. 49v.



Testamentum Ermesende Muniz, moniale, uxor domni Sarraceni.

Era Ma Ca LXLa Ia et quotum idus junii. Incertus uite terminus est et quando finis unius cuiusque uenturus ut presente ignarat quo circa, ego Ermesenda Muniz, sanctimonialis et anachorita, integre meo sensu atque arbitrio nemine cogente nec persuadente propter remedium anime mee et uiri mei domni Sarraceni omniunque parentum nostrorum et han<c> seriem mandationis testamenti do et offero Deo omnipotenti et monasterio Sancti Justi et uobis abbati domno Pelagio et omnibus eiusdem loci monachis tam presentibus quam futuris terciam partem integram de villa Cendum in qua moratus est Didacus Louerigiz cum omnibus bonis suis per suos terminos et loqua antiqua; et habet iacenciam in terra Celtigos, concurrencia ad ecclesiam Sancti Michaelis de Valladares. Similiter do ibi in ecclesia Sancti Saluatoris de Toreia quantum ibidem ganauimus ego et uir meus domnus Sarracenus ut sint ibi imperpetuum atque deseruiant ad uictum et uestimentum monachorum, pauperum et orfanorum. Nullusque hominum propinquorum nostrorum uel extraneorum habeat ausum auferendi uel inquietandi predictas hereditates sed maneant semper in iure et potestate predicti monasterii absque omni inquietatione. Si autem aliquis stultorum contra hoc meum spontaneum factum ad irrumpendum uenerit quisquis fuerit pariat in duplo uel triplo quantum incontepserit, et insuper pariat solidos D; et hoc meum testamentum et factum maneat semper firmum.

Ego Ermesenda cum omni mea uoce in hac testamenti serie uel mandationis quam fieri iussi manum meam roboro.

Q. p. f.: Petrus, ts. Johannes, ts. Pelagius, ts. Munio, ts. Arias, ts. Pelagius, presbiter et magister eius, notuit et conf. Arias Muniz, conf. Petrus Abbas uidit et conf. (Monogramma: PETRUS ABB. NOT.). Petrus Muniz, conf. Cresconius Muniz, conf.