GMH/ÍNDICE A-Z

14 A
1238, xaneiro, 18

Grupo foral do mosteiro de Meira

Carta de poboamento otorgada polo abade Heimerico e o convento de Meira, concedendo a vintiséis homes as heredades de Santo Estevo, Teixedo e Monte Zandiu

Fonte: Sáez Sánchez, E., “Cartas de población del monasterio de Meira”, en Anuario de Historia del Derecho Español, XIV (1941-1942), doc. nº. II, pp. 502-503.

Nouerint uniuersi presentem paginam inspecturi, quod nos frater Heimericus, dictus abbas, et conuentus de Meyra damus XX et VI hominibus hereditatem nostram de Sancto Stephano, et de Texedo et de Monte Zandiu, quicquid ibi habemus uel habere debemus cum omnibus pertinenciis suis, videlicet, per hos terminos, quomodo diuiditur per Mistas de Trapa, et quomodo uadit aqua de Texedo a Aluaron, et quomodo uadit per caminum usque ad Bustum Frigidum, et per Bicum de Timum, et per Cabanam, et per lumbum de Uargano, per coce de Arco, et per lacunar de Uilar Percibi, per riuulum de Tabula, et per aquam Sancti Stephani, ut habeant et possideant eam ipsi et filii eorum in perpetuum, tali modo: Ut dent nobis, annuatim, unusquisque eorum IIII solidos in festo Sancti Martini, mediam talegam de ceuada per octauam, et mediam talegam per octauam de bono tritico siue de scanla. Furtum, et aleuosiam, et rouso et fracturam camini diuidant per medium cum monasterio, si poterint excusare hominem regis, qui si forte intrauerit, leuet ius suum, et residuum diuidant inter se per medium concilium cum monasterio. Homicidium diuidant per medium. Alie uoces ut est fideiussoria, cautum, et illicie et uoces terre ita diuidantur, terciam partem habeat monasterium, et terciam concilium et terciam alcaldes; et istas uoces tirent alcaldes fideliter, et unicuique dent ius suum. Et nos debemus mittere unum alcaldem et illi alterum per quos debemus istas uoces et alias directuras nostras accipere, qui annuatim debent intrare et exire, et presentem cartam custodire et monasterio et concilio ostendere, cum fuerit necesse. Filii autem eorum qui uxores duxerint et filie que maritos acceperint, uel quicumque cum eis in ista hereditate commorati fuerint, debent semper esse vassalli fidelis abbatis et conuentus monasterii de Meyra, et debent monasterio dare annuatim mediam octauam de ceuade et mediam octauam de tritico uel de scanla et directuras nostras, sicut supra scriptum est de aliis, exceptis tantummodo illis III solidos quos debent persoluere illi XX VI homines cum uicinnis suis. Et quicumque ibi fuerint commorati, sint vassalli monasterii obedientes et fideles, et monasterium defendat et amet concilium ut melius potuerit. Et concilium sit liberum et quitum de luctuosam, et maniadigo, et de petito, et de mouicio, et goosa, et complendo concilium monasterio fideliter totum quod dicitur in hac carta, sit liberum et quitum ab omni alia uoce. Si uoluerint uendere, tali uendant hereditatem qui compleat totum istud et intret de uoluntate et assensu monasterii et concilii, et quicumque habuerit ibi hereditatem moretur in ea. Pars autem que hoca pactum infringere presumpserit vel quicumque sicut dictum est non compleuerit, alduerse parti C morabetinos in penam persoluere debet. Era M CC LXX VI et quod IIII Kalendas Ianuarii.