GMH/ÍNDICE A-Z

125
1317, abril, 4
foro

O cabido afóralle a perpetuidade a Rodrigo Iáñez unha viña en Vilariño, baixo a torre, por media de froito, 2 soldos por dereitura e outros 5 por loitosa.



ACOu, Escrituras XIV, 96

Noverint universi quod Johanes Roderici magisterscolarum ac vicarius domini Gundisalvi Nu(nni ... Ro)derico Iohanis moratori in Grania filio quondam Johanis Vilariño et uxo(re ... vo)ce sua qui ultimus eorum decesserit quandam vineam que iacet in (...) et iacet subtus turrim de Vilariño et est circundata muro, quam (...) legavit predicto capitulo. Dant et concedunt eisdem et dicte voci (...) videlicet condicione ut ipsi et dicta vox habeant et possideant illam in v(ita ... defi)ciat per culturam, et debent plantare et reparare totam cortineam de (...) de Caldelis pro illo annuatim medietatem de omni fructu ex inde prove(nerit ...) vinum in torculari (...) intrare ad colligendos fructus sine maiordomo capitulo, cui debent providere in cibo et potu (compe)tenter dum fructus colligeritis sicut consuetudo ipsius terre. Et debent dare annuatim in salvo capitulo predicto casu quolibet contingente duos solidos legionenses pro derectura in festo Sancti Martini. Et si aliquis eorum ibi habitaverit quod solvat ad mortem suam quinque solidos legionenses pro luctuosa, et si ibi non habitaverit quod predicta uxor eorum solvat predictos quinque solidos. Et ad mortem suam et dicte vocis sue predicta vinea libere devolvatur predicto capitulo sine contradicione aliqua et si non fuerit bene culta et reparata quod reparetur per bona sua et dicte vocis sue. Et si vendere vel obligare voluerint dictam vineam vel partem eius vendant vel obligent primo capitulo predicto vel alicui de capitulo, qui si noluerint eam emere vel obligatam recipere tunc vendant eam vel obligent (tali) persone que teneatur ad omnia supradicta dummodo non sit miles ne religiosa persona nec servus nec maiordomus alicuius potentis viri vel domine nec morator alicuius burgi vel castri seu civitatis auriensis. Et non debent eam legare nec anniverssarium super eam ponere alicui ecclesie nisi ecclesie Beati Martini. Et si per inpotenciam vel negligenciam cultura dicte vinee ommissa fuerit vel aliqua ex hiis que superius sunt comprehensa non fuerint observata licitum (... mo)nicione prehabita predictam vineam prout eam invenerit auctoritate propria recipere et habere sine contradicione (...) Et si contencio super aliquo inter eos et dictum capitulum orta fuerit, per duos de capitulo terminetur omni appellacione cessante. Et ad hoc sit complendum predicti Rodericus Iohanis et Stephania Fernandi uxor eius pro se et dicta voce sua obligant se et omnia bona sua tam habita quam habenda. Et capitulum debet eos deffendere ad directum cum dicta vinea. Actum fuit hoc Aurie, iiiiº die menssis abprilis, era mª cccl quinta. Presentibus testibus archidiacono Petro Roderici de Limia, Johane Iohanis, Alffonso Martini, Martino Fernandi et Petro de Barrariis canonicis et Michaele Domenici maiordomo capituli.

Et ego Bartholomeus Petri notarius auriensis auctoritate domini episcopi et ecclesie eiusdem et vice chancellarius loco et nomine Alffonsi Viviani canonici ac chancellarii civitatis auriensis qui notula istius carte fuerat a partibus concessa tempore domini Bartolomei Petri quondam cantoris ac chancella[r]ii auriensis et qui nondum de dicta notula istis partibus preffatis aliqua littera fuerat signata ad peticionem partium istarum presentem litteram de dicta notula nondum rasa non cancellata nichil addens vel minuens prout in ipsa continetur de verbo ad verbum manu propria scripsi signumque meum apposui in testimonium premissorum.

(signum)