GMH/ÍNDICE A-Z

Referencias da busca neste documento para: Colección diplomática medieval do Arquivo da Catedral de Mondoñedo

7

974, abril, 22.
Doazón que Apala lles fai á Igrexa de Mondoñedo e ó seu bispo don Teodomiro da vila Athani na ribeira do regueiro Guade, da vila Curbelarios e parte da vila de Santa Baia, na faldra do Monte Negro.
A, perg. irregular de 180 x 485 mm. Letra carolinxia, que podería indicar que non se trata tanto dun orixinal coma dunha copia algo posterior.
Ref.: flórez, vol. XVIII, p. 106.

In nomine sancte et indiuidue Trinitatis cuius laus et gloria permanet iugis in omnibus exstat mirabilis qui misericorditer homini conferre dignatus est ex quo creatorem suum humiliter honorari et mente de / uota placari possent hec benigne disponente prouidentia diuina non quo ipse aliquod egeat donum quod omnia in omnibus est set ut offerentis respiciat placabilem et bono desiderio concessionis sacrificium ideoque ego Apalla audiens / scripture diuine oracula et ad inplendum aliquantulum cupiens ut tibi omnipotenti Domino puris mentibus de quod mihi attribuisti redderem euenit per sanctum tuum Spiraculum cordi meo propter remedium anime mee ut sub nomine sancte et eximie Trinitatis / tue facerem testamenti scriptum in honorem sancti Martini episcopi quorum uenerande et desiderabiles reliquie dinoscuntur manere in Mendunieto dumiensis sedis prouincie Gallecie. Ego iam sepe dicta Apalla dono et confero iam dictum / locum mee moderitatis sunptibus ad aulam uestri honoris(?) nuper patrata ex paupertatis mee vnde aut candela uestro altario possit perheniter ministrari aut clericos in ipsa domo dormientium uel cunctorum ibidem aduenientium / sit sine contamine subuectio gratuita sicut iamdesuper contexuimus offero per partem idem ecclesie sancte et pontificem in ipsam cathedralem sedem erectum domnum Teodemirum episcopum id est quod nuncupantur uilla Athani ripa riuulo Guade per / suis terminis secundum illum obtinuit Suarius Gutierriz siue pomares qui sunt in uilla Argenti seu et in uilla Curbellarios uel ubicumque sors habuit quomodo diuidet cum uilla Baruncelli et de alia parte diuidet cum uilla Modari. Adicio / namque ad hunc locum sanctum quartam integram de uilla sancte Eulalie que est in latere Monte Nigro cun cunctis prestacionibus uel adiacentiis suis quantum ad ipsam uillam pertinet et omnia que desuper taxauimus partem propter redenpcionem anime uirum meum Fafila / nem offerimus partem offertionem a domno Teodomiro episcopo accepimus pro nominato mulo castaneo ualente solidos Cm.Vniuersa subprenotata ecclesie uestre sancte ab hodierno die et tempore omnia confero et dono ut ibidem iugiter permaneat per secula / cuncta. Si quis tamen quod fieri minime pertimesco, hunc meum factum infringere uel inmutilare temptauerit inprimis sit excomunicatus et alienatus ad Corpus et Sanguis Domini nostri Jesu Chrusti atque anathema maneat in conspectu Domini et cum Iuda Domini / proditore accipiat partem in eterna dapnatione et insuper dampno seculari aflictus pariet pro parte eidem ecclesie auri libras bis ternas et hunc factum meum firmum atque stabilitum permaneat in omni robore atque perpetua fir/ mitate. Facta series testamenti decimo kalendas maii Era xii post milesimam.
Ego Apalla in hanc scripturam testamenti quem in honore sancti Martini episcopi fieri uolui manu mea (Signo)

(1ª col.):
Ego Saurius prolis Fafilani in hac scriptura manu mea (Signo)
Fernandus Didaci gener Fafilani et Apalle quod malui manu mea (Signo)
Froila Uigilani confirmat
Rodericus Uelari confirmat
Geelus Mereli confirmat
Ouetus Goteri confirmat
(2ª col.):
Nunus Mirelli confirmat
Garsee Ennegonii confirmat
Atenar Princeps confirmat
Garsea Petri(?) confirmat
Mirus Rex confirmat
(3ª col.):
Sub Christi nomine Didacus ouetensis episcopus confirmat (Signo)
Sub Christe uirtute Salbatus salamanticense episcopus confirmat
Petrus diaconus prolis Pelagii Fortis diaconus Adefonsi filius confirmat
Ueremundus diaconus Sanxionis prolis confirmat
Gontricus domni Terci maiordomus confirmat
Suarius diaconus primiclerus confirmat
Ensemenus primiclerus confirmat
Sendinus presbiter puricelli confirmat
Aldefonsus diaconus eronificus(?) confirmat
(4ª col.):
Nunus Albari confirmat
Gutier Munionis confirmat
Menendus Didaci confirmat
Petrus Pelagii confirmat
(5ª col.):
Emanuel confirmat
Eidimirus Cerucial de Prauia confirmar
Geloira Deo dicata confirmat

(Reverso):
A L IIII. Karta de Villarenti et de Athay. Pribilegio de una reina que por reberencia de las reliquias de Sant Martino le dio ciertos bienes en Vilachan y otras partes.