GMH/ÍNDICE A-Z

13 A
1177, decembro, Zamora

Foros de Lugo

Confirmación dos foros da cidade de Lugo por Fernando II.

Fuente: Muñoz y Romero, T., Colección de fueros municipales y cartas pueblas de los reinos de Castilla, León, Corona de Aragón y Navarra. Imprenta de don José María Alonso, Madrid, 1847, pp. 433-434.

In nomine Sanctae et individuae Trinitatis, quae á fidelibus in una Deitate colitur, aet adoratur. Cum ea, quae á Regibus donantur, sive conceduntur, literarum vinculis sint alliganda, ne temporum vetustate oblivioni tradantur; ea propter ego Fernandus Dei gratia rex Legionensium, et Gallaecorum una cum filio meo Rege Adefonso cum consensu Domini Joannis Lucensis Episcopi, et cum communi consensu omnium Canonicorum ejusdem ecclesiae Sanctae Mariae, facio testum, et scriptum firmitudinis vobis dilectis vasallis meis, hominibus de Luco, de omnibus illis foris bonis, quos vobis dedit bonus avus, et atavus meus rex Adefonsus, videlicet, nemo qui moratur in Luco debet respondere alicui, nisi sit, qui apellet eum de aliquo fori facto; et de quocumque fuerit apellatus, respondeat per fidejussoriam quinque solidorum, si habuerit haereditatem in ipsa villa, et si non habuerit haereditatem det manulevalorem. Et siquis extraneus aliquod tortum fecerit alicui Burgensi, non intret in ipsam villam, nisi cum fidantia, postquam fuerit appellatus semel: et nisi fecerit inde directum, et aliquod damnum receperit, non pectent proinde Majorino: et omnes haereditates, quas habuerunt Burgenses á principio populandi, eo foro, quas habuerunt, habeant. Et siquis habuerit aliquas domos in una linea, non det de eis nisi duodecim denarios, et nullus francus vendat ibi in decalio, nisi habuerit proprium hospitium in ipsa villa: et hoc praesenti scripto concedo vobis omnes bonos foros, quos vobis dedit bonus pater meus. Siquis igitur hujus mei spontanei facti violator contra hanc meae concessionis paginam venire praesumpserit, aut in aliquo infringere voluerit, iram omnipotentis Dei cum indignatione nostra incurrat, atque pro tanto excessu vobis, vel vocem vestram pulsantibus medietatem sex millium solidorum, et parti regiae medietatem cogatur componere: et omnes morantes in ipsa villa sint contra eum. Adjicio etiam huic scripto, ut nulli morantes in ipsa villa dent aliquam collectam alicui; et siquis morantium in ipsa villa calumniam fecerit, et extra hospitium suum aliquid pignoris habuerit, nullus Majorinus intret hospitium suum; et si intraverit, et aliquam calumniam, vel aliquod tortum, vel dehonestatem, vel vulnus ibi acceperit nullus proinde

respondeat Regi, vel alicui. Facta carta in Zamora mense Decembri, anno quo rex Dominus Fernandus rediit ab exercitu de Sevilla sub era MCCXV. Regnante Rege Fernando Legione, Gallaecia, Asturia, et Extremadura. Ego Fernandus Dei gratia rex Legionensium, et Gallaeciae una cum filio meo rege Adefonso hanc cartam quam firi jussi, propria manu roboro, atque confirmo.