GMH/ÍNDICE A-Z

215
1142/06/21.
O presbítero Paio Muñiz dóalle ó mosteiro de Toxos Outos a casa de Destros que lle deixara a el e a seu irmán Froila seu tío, o presbítero Romano. Ademais, Paio, xunto co seu irmán Gudesteo, dóanlle ó cenobio o que teñen nas vilas de Destros, Costanela, Deir e Seares.
B.- Tombo, f. 77v.
Testamentum Pelagii Muniz, presbiteri, de hereditate de Destros et de Costeela et de Deyr et de Seares.

In Dei nomine. Ego Pelagius Muniz, presbiter, pro Dei amore et omnium sanctorum eius pro remedio anime mee et omnium parentum meorum facio scripturam testamenti ad monasterium Sancti Justi de Tribulis Altis et tibi domno abbati Martino et omnibus fratribus eiusdem loci tam presentibus quam futuris de omnia mea hereditate quam habeo de a auolencia et de ganancia et de parentibus meis. In primis dono illam meam casam de Destros cum sua quintana et plantatu et suis edificiis quomodo ea mihi et fratri meo Froyle auunculus meus Romanus, presbiter, per mandatione donauit ut ipse sit particeps beneficiorum uestrorum. Post hec ego Pelagius supradictus et ego Gudesteus Muniz, frater eius, facimus sub uno testamentum iamdictis de nostris hereditatibus, id est damus uobis Destros integrum ex aqua de Pelagio usque ad terminos ecclesie et duas partes de Costanela et de Deyr et medietatem de Senares sicut resonat in illo colmello quod resonat cum sorore nostra Truyli Muniz cum omnibus suis directuris intus et foris per suos terminos antiquos jure perpetuo. Set siquis homo ex nostra parte uel extranea contra hanc uenerit scripturam sit maledictus et excomunicatus et quantum in calumnia miserit duppliciter reddat ad uocem monasterii et insuper solidos Dos pariat. Facta carta testamenti in era Ma C LXXX et quotum XI kalendas julii. Ego iamdictus Pelagius Muniz una cum fratre meo Gudesteo Muniz in hoc testamento manus nostras roboramus.