GMH/ÍNDICE A-Z

Referencias da busca neste documento para: Documentos do arquivo da catedral de Ourense (1289-1399)

138
1320, abril, 4-5
xuramento

O cabido comprométese a que, se chega algún deles a ser deán, non reclamará a Terra do Vicariato (entre Miño e Arnoia) e impediranllo a quen viñese de fóra reclamándoo.

Ao día seguinte, en presenza do bispo Gonzalo, xuran os arcediagos de Castela e de Baroncelle.



ACOu, Escrituras XIV, 18

In dei nomine amen. Noverint universi quod in presencia mei Roderici Guterrii publici notarii auriensis et testium infrascriptorum ad hoc vocatorum, capitulo auriense congregato per pulsacionem campane in loco solito prout moris est, super facto terre de inter Mineum et Arnoyam et de Ravaeda et de Aquilari, quam terram dictum capitulum iam receperat per se et sue mensse aplicaverat, venerabiles viri de capitulo predicto, videlicet domini Johanes Roderici cantor, Petrus Roderici archidiaconus de Lima, magister Mathias thesaurarius, Petrus Roderici dictus Collaço, Petrus Alffonsi de Velle, Martinus Fernandi, Iohanes Iohanis, Iohanes Geraldi, Johanes Fernandi, Beraldus Alffonsi, Petrus Alffonsi de Presigueiroo, Fernandus Menendi, Alffonssus Viviani, Pelagius Arie, Petrus Sugerii, Garsias Martini canonici aurienses quilibet istorum per se juraverunt michi notario infrascripto stipulanti vice et nomine quorum intererat vel interesse poterit in futurum corporaliter per se sacrosanctis evangeliis tactis quod si contigeret quod aliquis ipsorum esset decanus quod nunquam peteret terram predictam de inter Mineum et Arnoyam et de Ravaeda et de Aquilari nec impediret eam seu impeteret dicto capitulo nec eum molestaret super eam per se vel per alium vel alios in judicio vel extra. Et siquis alius aliunde qui non esset de gremio ecclesie obtineret vel impetraret decanatum auriense et vellet petere vel habere istam terram prelibatam vel aliquis quivis alius vellet eam impedire dicto capitulo quod ipsum capitulum et quilibet de capitulo protegesent et defendesent eam pro capitulo per omnia bona de comuni ipsius capituli in quantum possent et esset de jure. Et ex hiis petierunt a me notario prelibato quod darem eis unum instrumentum meo signo signatum. Actum fuit hoc Aurie in capitulo in loco ubi consuevit celebrari, quarta die mensis aprilis, era millesima trecentesima quinquagesima (octava). Presentibus testibus Michaelo Petri notario auriense, Garsia Roderici, Johane Dominici et Iohane Fernandi clericis chori auri(ensis).

>Et in continenti die prefata omnes de capitulo dixerunt michi notario et rogaverunt quod irem cum istis testibus ad domos Petri Gundissalvi archidiaconi de Buval et ad domos Alffonssi Martini canonici qui paciebantur suis infirmitatibus et quod recipere(...) tale juramentum quale ipsi omnes desuper fecerunt super facto dicte terre. Et ego ivi ad domos predicti archidiaconi et Alffonssi Martini canonici et recepi ab eis juramentum tactis per se corporaliter sacrosanctis evangelis (...) tenet et perpetuo observare cum aliis de capitulo, predictis testibus presentibus Garsia Roderici, Johane Domenici (...) clericis cori. Est hic rasum ubi dicit ‘Fernandi’, et non noceat.

>Noverint universi quod quinta die mensis aprilis, era millesima trecentesima quinquagesima octava, presente reverendo patre non sedendo domino Gundissalvo auriense episcopo, capitulo iusdem congregato per pulssacionem campane prout moris est, presencia mei notarii et testium infrascriptorum ad hoc vocatorum, dominus Velascus Petri archidiaconus de Castella ac dominus Alvarus Fernandi archidiaconus de Baroncelle in eadem auriense ecclesia quilibet per se tactis corporaliter sacrosanctis evangelii juraverunt michi notario stipulanti prout alii supradicti de capitulo prelibato predictam omniam tenere et perpetuo observare cum aliis de capitulo. Actum fuit hoc Aurie in capitulo in loco ubi consuevit capitulum celebrari, die et anno supradictis. Presentibus testibus supradicto domino Gundissalvo auriense episcopo, Viviano Domenici rectore ecclesie Sancti Vereximi de Vilar de Porcos, Petro Laurencii familiare Iohane Geraldi canonici auriensis, Petro Roderici quondam familiare Martini Alfonsi canonici auriensis clericis cori auriensis.

Et ego Rodericus Guterrii publicus notarius auriensis auctoritate domini episcopi et ecclesie eiusdem rogatus hiis interfui et ab omnibus prenominatis superius predictum juramentum recipi et istud instrumentum ad peticionem ipsorum propria manu escripsi meoque signo in testimonium premissorum signavi quod tale est.

(signum)

Materias

alcume; arcediago; bispo; cabido; campá; casas; catedral; chantre; cóengo; confirmación; constitución; coro; crego; criado; deádego; deán; dignidades; dignidades; doente; escritura; Evanxeos; familia; mesa capitular; mestre; obrigación; párroco; prebenda; rendeiro; tenza; tesoureiro; xuramento; xurisdición; notario

Persoas

Afonso Martínez, cóengo de Ourense; Afonso Vivián, cóengo de Ourense; Álvaro Fernández, arcediago de Baroncelle; Beraldo Afonso, cóengo de Ourense; Fernando Méndez, cóengo de Ourense; García Martínez, cóengo de Ourense; García Rodríguez, crego do coro de Ourense; Gonzalo Pérez de Novoa, bispo de Ourense; Martiño Afonso, cóengo de Ourense; Martiño Fernández, cóengo de Ourense; mestre Macías Estévez, tesoureiro de Ourense; Miguel Pérez da Corredoira, notario; Paio Ares, cóengo de Ourense; Pedro Afonso de Prexigueiró, cóengo de Ourense; Pedro Afonso de Velle, cóengo de Ourense; Pedro González, arcediago de Búbal; Pedro Lourenzo, crego do coro de Ourense; Pedro Rodríguez Colazo, cóengo de Ourense; Pedro Rodríguez, arcediago de Limia; Pedro Rodríguez, crego do coro de Ourense; Pedro Sueiro, cóengo de Ourense; Vasco Pérez Mariño, arcediago de Castela; Vivián Domínguez, párroco; Xoán Domínguez, crego do coro de Ourense; Xoán Eáns, cóengo de Ourense; Xoán Fernández, cóengo de Ourense; Xoán Fernández, crego do coro de Ourense; Xoán Rodríguez, chantre de Ourense; Xoán Xiráldez, cóengo de Ourense; Roi Gutérrez, notario

Outros

Ourense, bispado; Ourense, cabido

Lugares

Aguiar, terra. Antiga xurisdición; Arnoia, río; Baroncelle, arcediagado; Búbal. Antiga xurisdición.; Castela, arcediagado; Espiñeiro, Os, San Breixo; Limia. Antiga xurisdición e arcediagado.; Miño, río; Ourense; Rabeda. Antigo territorio; Velle; Vilar de Flores