GMH/ÍNDICE A-Z

Referencias da busca neste documento para: Documentos do arquivo da catedral de Ourense (1289-1399)

31
1297, setembro, 17
sentenza

Sentenza dada polo arcediago Martín Pérez e polo cóengo Fenando Oveco pola que se condena ao bispo don Pedro ao pagamento anual de 30 moios de viño ao cabido, ao que se comprometera o seu antecesor pola concesión do soar onde construíron o seu mosteiro os freires menores.

 

ACOu, Escrituras XVIII, 35

(ed. M. Castro / M. Martínez Sueiro, Colección de Documentos del Archivo de la Catedral de Orense, I, 225-227; M. B. Vaquero Díaz / F. J. Pérez Rodríguez, Colección documental del archivo de la Catedral de Ourense, II, 563-564, doc. 709)

In dei nomine amen. Noverint universi quod cum coram nobis Martino Petri archidiacono et Fernando Oveci canonico auriense, judicibus datis de consensu reverendi patris domini Petri dei gratia episcopi auriensis ex parte una, decani et capituli eiusdem ex altera, dicti decanus et capitulum peterent a predicto domino episcopo quod eis solveret triginta modios vini, ad quos solvendos dicebant dictum episcopum sibi teneri, videlicet pro eo et ex eo quod dominus Johanes bone memorie episcopus eius predeccessor assignaverat capitulo habendos per vineas de Portu Veteri et asserebant se esse in paciffici posessione percipiendi dictos modios annuatim et istam obligacionem et assignacionem dicebant dictum episcopum fecisse pro eo, quod dictus decanus et capitulum dederant sibi illum locum in quo est situm monasterium fratrum minorum Auriam, et ad hoc probandum coram nobis in iudicio quoddam instrumentum publicum obtulerunt, et ex parte domini episcopi extitit allegatum quod dictus episcopus non tenebatur ad presens dictos modios solvere pro eo, videlicet quod quando destrucxerat in presenti anno fructus dicti loci, ex parte vero capituli fuit responsum quod et si quando cetiderat non proper hoc erat episcopus excusatus cum dictum capitulum emet a quadraginta annis supra in possessione percipiendi dictos modios et dictus episcopus in posessione solvendi presertim cum precesisset obligacio personalis, quia predictus episcopus promiserat solvere dictos modios annuatim, et ex parte episcopi fuit replicatum quod ista talis obligacio seu assignacio sapiebat naturam usus fructus unde si usus fructus perhibat, usu fructuario perhibat, ex parte vero capituli extitit replicatum quod ista obligacio non erat usus fructus, quia usus fructus tempore finitur, quia et si civitati seu alicui universsitati usus fructus legetur spacio c annorum finitur quod hic non est, quia dictus episcopus dictos modios dicto capitulo solvere tenetur in perpetuum. Nos vero dicti judices visis et examinatis eidem meritis et plenius intellectis que ab utraque parte proposita fuerit et instrumento quod super hoc coram nobis fuit oblatum concluso negocio a partibus, domino predicto episcopo ad huiusmodi sentenciam audiendam legitime citatu et per contumaciam se absentante que comperta et scrutata veritate, invenimus quod dictum capitulum erat in paciffica posessione dictos modios percipiendi annuatim et episcopum predictum in posessione solvendi a quadraginta annis supra ob hoc et ex aliis causis sedentes pro tribunali, presente Laurencio Fernandi clerico chori et procuratore capituli supradicti et pro sentencia reclamante habitoque consilio peritorum dictum dominum episcopum ad solvendum dicto capitulo dictos modios annuatim per sentenciam condempnamus. Lata fuit hec sentencia Aurie, xvº kalendas octobris, era mª cccª xxxvª. Presentibus testibus ad hoc vocatis Petro Petri, Thoma Iohanis clericis chori, Martino Martini clerico Sancte Trinitatis, Durando Domenici scriptore et Gunsalvo Iohanis de Andelo.

Et me Gomecio Iohanis publico notario auriense qui huic sentencie ferende interfui et scripsi signumque meum apposui in testimonium premissorum.

(signum)