GMH/ÍNDICE A-Z

14 B
1240, febreiro, 20

Grupo foral do mosteiro de Meira

Carta de poboamento outorgada polo abade Heimerico e o convento de Meira a cen poboadores das herdades de Vilanova de Archay e de Albare.

Fonte: Sáez Sánchez, E., “Cartas de población del monasterio de Meira”, en Anuario de Historia del Derecho Español, XIV (1941-1942), doc. nº. III, pp. 504-505.

In nomine Patris et Filii et Spiritus Sancti, amen. Notum sit omnibus presentibus et futuris, quod nos domnus Heymericus abbas et totus conuentus de Meyra, damus hereditatem nostram de Uillanoua de Archay et de Aluare, centum hominibus, ad populandum eam, per istos (terminos) determinatam, scilicet, per illum locum ubi iungitur aqua de Cainzos ad illan que uenit de monasterio nouo, deinde quomodo uadit per ipsam sursum ad portum Lauandeyra, et deinde per aquam ad lumbum de Archos, et uadit directe ad lagunam de Pedras, et uadit per ueream de Cornu de Fogras, et uadit directe ad Torrentes, et inde reuertitur per aquam de Couas deorsum, et exit inde et diuiditur per hereditatem Sancte Columbe, et uadit ad riuum Ferreyra, et quomodo diuiditur per uillar Digondia et de Ardulfi. Damus inquam uobis, centum hominibus, totam predictam hereditatem, exceptis sexterciis seminaturas que sunt ecclesie, tali uidelicet pacto: Quod detis monasterio Sancte Marie de Meyra in quolibet anno centum morabetinos de foro, quinquaginta scilicet morabetinos in die Nathalis Domini et alios quinquaginta morabitinos in die Sancte Pasche, ita quod annuatim persoluatis in pace monasterio nostro centum morabitinos. Sint eciam omnes ibidem commorantes et hereditatem habentes uassalli monasterii nostri fideles usque in sempiternum, in ipsa uero populatione. Quia centum homines non sunt ibi modo presentes quousque peruenerint ad supradictum numerum completum, scilicet centum, quotquot ibi fuerint populatores plaças habentes, singulos morabitinos per prefatum forum annuatis nobis et monasterio predicto debent persoluere. Si autem populatores huius hereditatis secum uoluerint plures populatores mittere in placibus suis, per unum morabitinum et per istud forum, sint omnes liberi et quiti tam populatores quam secum in placibus suis admissi. Preterea, in ipsa populatione debent esse duo alcaldes, unus per nos et alius per concilium, per quos cum duobus aliis bonis hominibus debemus nons semper habere nostrum iam dictum forum, medietatem in die Nathalis Domini et medietatem in die Sancto Pasche, et nostras alias directuras, uidelicet, quartam partem de furto, et de rousu et de aleyuosia, et medietatem de omicidio. Quandocumque ibi fuerint orto ista IIII nos nostram partem per predictam debemus habere pacifice et quiete, et concilium suam partem predictam debet habere pacifice et quiete. Et nos iam dicti populatores presentes, concedimus et laudamus pro nobis et pro aliis populatoribus, totum quod dicitur in hac carta, et promittimus nos totum hoc semper fideliter seruadares. Ita tamen quia reddendo uobis concilium annuatin forum prefatum et parte uestram illorum IIII supradictorum, et viginti solidos pro uno plandio abbati predicti monasterii, simus nos semper et concilium liberi atque quiti. Et sciendum, quod predicti populatores debent esse semper uassalli predicti monasterii, dum in ea morati fuerint, et si inde uoluerint recedere, debent eam dare, uel uendere uel subpinorare talibus hominibus qui predictum forum faciant et eam moretur. Si uero populatores seruiciales uoluerint mittere in hereditate sua, seruiciales faciant predictum forum pro populatoribus, et per hoc sin liberi et quieti. Siquis autem de populatoribus uoluerint uel non potuerint predictum forum dare monasterio predicto, alcaldes cum aliis hominibus bonis predictis, cautum ponant in omnibus qui habuerint, et tollant portas de domibus eorum ut non intrent nec exeant quousque reddant suum predictum forum. Et alcaldes cum aliis hominibus reddant semper forum ceralario de Meyra, uel cui iusserit abbas dare, in ecclesia Sancte Marie de Uillanoua de Archay. Et sciendum, quod illos quinquaginta morabitinos (quos) debent dari in Nathali, assignat eos dari domnus Heimericus abbas uestiario de Meyra in perpetuum. Hanc uero cartam debent seruare alcaldes de Uillanoua semper, et, quociens necesse fuerit, eam abbati, et conuentui, et concilio Uillanoue et popullatoribus demostrare. Et sciendum, quod semper in quolibet anno, in mense ianuarii, debemus, per supradictum forum, alcaldes mittere semper. Qui uero contra hoc forum et contra hanc cartam uenire presumpserit et uiolare temptauerit, iram Dei omnipotentis incurrat et parti alteri quingentos morabitinos in pena persoluat. Facta carta sub era M CC LXX VIII et quot XI Kalendas Marcii. Regnante rege domno Fernado in Castella in Legione, in Toleto, in Corduba. Domno Roderico Gomez, tenente Monte Nigrum. Domno Martino, episcopo Mindoniense. Qui presentes fuerunt, totus conuentus de Meyra.

Eu Domingo Martin, notario publico de Lourençaa, vi tal carta de suso dicta …, e a rrogo dos pobradores sobredictos en presencia fise trasladar de ueruo a ueruo, e con mina mao propia en este traslado puge mea sinal en testimonio de verdad.