GMH/ÍNDICE A-Z

24
1297, marzo, 18
venda

Afonso Domínguez e a súa muller, Mariña Martínez, moradores en Pazos de San Clodio, véndenlles a Lourenzo Domínguez e á súa muller, María Iáñez, dita Pale, unha viña en Carreira Cova por 70 mrs.

 

ACOu, Clérigos do Coro, 116

(ed. M. B. Vaquero Díaz / F. J. Pérez Rodríguez, Colección documental del archivo de la Catedral de Ourense, II, 555-556, doc. 702)

 

In dei nomine amen. Notum sit omnibus per hoc scriptum perpetuo valiturum quod ego Alfonsus Domenici de Palaciis Sancti Claudii et uxor mea Marina Martini vendimus vobis Laurencio Domenici, homini magistri Petri decani auriensis, et uxori vestre Marie Iohanis dicte Pallie et omni voci vestre in perpetuum concedimus unam leyram vinee de foro deçima deo quod habemus in Palacio in loco vocato Carreyra Cova, que iacet inter leyram Johanis Roderici prelati de Calvelle et inter vineam que fuit Martini Alfonsi de Valinas et intestat in camino publico et ex altera in vinea ipsius (...). Vendimus inquam vobis dictam vineam pro lxxª morabetinis monete alfonsine alborum ad xvi denarios pro iº morabetino, quod vos et omnis vox vestra habeatis ex nunc iure hereditario in perpetuum possidendam et faciatis de ea quicquid vobis placuerit, et obligamus nos deffendere vos cum ea ad directum per nos et per omnia bona nostra tam habita quam habenda, quia profitemur nos iam totum precium pro ea a vobis plenarie recepissse in pecunia numerata. Siquis igitur contra hoc venerit iram dei habeat et vobis dictam leyram in duplo restituat et parti regie in penna c morabetinos persolvat, carta nichilominus in suo robore permanente. Facta carta Aurie xvº kalendas aprilis, in era mª cccª xxxª vª, regnante donno Fernando, episcopo Aurie donno Petro Iohanis.

Testes qui vocati ad hoc fuerunt Johanes Pelagii de Reça, Petrus Lupi eiusdem, Johanes Petri de super Fonte Episcopi, Martinus Pelagii homo donne Elduncie.

Et ego Johanes Martini publicus notarius auriensis qui interfui et scripsi signumque meum apposui in testimonium veritatis.

(signum)