GMH/ÍNDICE A-Z

434
1197/12/28.
Mandas testamentarias de Paio Páez “Anaia”.

B.- Tombo, f. 124v.

Testamentum Pelagii Pelaiz dicti Anaya de hereditate de Sonnar.

Era Ma CCa XXXa Va et quotum Vo kalendas ianuarii. Hec est ordinacio quam ordino ego Pelagius Pelagii dictus Anaia in mea infirmitate ut si ex ea migratus fuero omnia mea, et cetera. In primis mando corpus meum sepelire in monasterio Sancti Iusti, et mando ibi mecum meam hereditatem quam habeo de mea auolencia in villare de Sonnar, id est de illa IIIIa de Erigio duas quintas; et de alia IIIIa de Osorio IIIIa quam teneo in pignore pro solidis V de Iohanne Tostado, et quando dederit solidos V ad Sanctum Iustum habeat suam hereditatem; et aliam IIIIam teneo in pignore pro solidis VIIIo, et quando dederit solidos VIIIo ad meos filios habeat ipsam IIIIam; et aliam de Neeronio interea teneat eam monasterio Sancti Iusti. Et mando ibi ad Sanctum Iustum mediam uaccam quam habeo cum Furtado, et VIa de plantado de Octerio de Stiuanes qui fuit de patre meo Pelagio Affonso, et placuit genero meo dicto Calado Iohanni Petri per manum de Pelagio Moogo, et si dederint filii mei inde vnam teeyga de castaneis pisadis ad Sanctum Iustum annuatim teneant ipsa VIa, sin aliter non. Et si aliquis ex parte mea uel ab extranea hoc factum irrumpere uoluerit sit maledictus et cum Datan et Abiron in inferno dampnatus et imsuper pariat C solidos; et hoc factum semper in suo robore firmiter maneat.