GMH/ÍNDICE A-Z

82
1135/08/24.

Pedro Muñiz “Carnota” dóalle ó mosteiro de Toxos Outos a igrexa de S. Cristovo de Codesos e outras propiedades.

B.- Tombo, f. 45r.

Transcr.- SALVADO MARTÍNEZ, B.- “Tumbo de Toxosoutos...”, doc. n.º 1, p. 174.

Carta Petri Muniz de Carnota de ecclesia Sancti Christofori et de Recaree et de Soeuos.

CHRISTUS. In Dei nomine. Ego Petrus Munionis cognomento Carnota pro Dei amore seculum relinquens dono et concedo mecum ad istum monasterium Sancte Marie et Sanctorum Iusti et Pastoris pro remedio anime mee et Tarentum meorum meas hereditates, uidelicet ecclesiam Sancti Christofori de Cudessus integram cum duabus seruicialibus, quam hereditatem dedit mihi domnus Adefonsus imperator, et dono etiam quanto mihi conuenit de illo uilare de Recaree et in Soeuos quantum ibi ganaui cum suis hominibus, et in Tauiro duos seruiciales quos ganaui de Ueremudo Petriz. Has supradictas hereditates dono et concedo mecum prefato monasterio iure perpetuo. Ceteras alias meas hereditates dono filiis meis. Sed si aliquis ex mea progenie uel extranea contra hoc meum testamentum uenerit in primis sit excomunicatus a Deo Patre omnipotenti et sit maledictus usque in VIIam generationem et insuper quantum calumpniauerit parti monasterii in duplo restituat et duo millia solidos persoluat et eius calumpnia semper sit uacua. Et hoc meum testamentum firmum in suo robore permaneat.

Facta kartula testamenti era Ia Ca LXXa IIIa et die noto VIIIIo kalendas septenbris.

Ego Petrus hoc testamentum manu propria confirmo.

Qui presentes fuerunt: Pelagius, prior eiusdem monasterii, conf. Ordonius,  monachus, conf. Petrus Martiniz, conf. Froyla Adefonsus, conf. Johannes, ts.  Cresconius, ts. Arias, conf.

Petrus, presbiter, qui notuit.