GMH/ÍNDICE A-Z

537
1154/02/24.

María García e o seu fillo Paio Pérez dóanlle ó mosteiro de Toxos Outos as súas herdades nas vilas de Béxeres e Vilar.

B.- Tombo, f. 147v.

Carta de Maria Garsia et de filio suo Pelagio Petri de hereditate de Vesares et de Vilar.

In Dei nomine. Ego Maria Garsia et filius meus Pelagius Petri vobis domno abbati Pelagio et cunctis fratribus uestris in Deo eternam salutem. Placuit nobis et nostra fuit uoluntas ut faceremus uobis cartam testamenti et scripturam in perpetuum ualituram pro animabus nostris et parentum nostrorum de hereditate nostra propria quam habemus de patre nostro Garsia Saniz in territorio Pistomarcis in villa Vesares sub monte Luania sub aula Sancti Sancti Martini de Elsende inter duos fluuios Trauam et Boniam. Damus siquidem uobis quantam hereditatem habemus de ipso patre nostro Garsia Saniz siue de auolencia quomodo de ganancia siue de transmutatione in ipsa villa Vesares et in Villare cum tota sua directura que ad ipsas hereditates pertinent intus et foris per suos terminos et loca antiqua per ubi eas potueritis inuenire ut oretis pro animabus nostris post mortem nostram et pro cunctis parentibus nostris, et cetera. Et uos ex hodie habeatis ipsas hereditates iuri hereditario et faciatis de illis quod uobis placuerit. Set si aliquis homo de parte nostra uel de extranea contra hoc nostrum factum quod sponte pro Deo facimus uenerit pariat uobis ipsas hereditates duplatas et insuper solidos C; nostra tamen donacione in suo robore semper permanente.

Facta carta testamenti et donacionis era Ia Ca LXLa IIa et die VIo kalendas marcias.

Ego Maria Garcia et filius meus Pelagius hanc scripturam manibus nostris roboramus.

Q. p. f.: Petrus, ts. Johannes, ts. Pelagius, ts. Cresconius, presbiter de Nogia, conf. Petrus Zameyro, conf. Petrus Renoueyro, conf. Fernandus, clericus, conf.

Munio, presbiter, qui notuit et conf.