GMH/ÍNDICE A-Z

688
1247/02/03. Santiago de Compostela.

Mandas testamentarias do cabaleiro Fernando Pérez de Deira.

B.- Tombo, f. 173v.

Testamentum Fernandi Petri de Deeyra, miles, de her(...).

In Dei nomine, amen. Sub era Ma CCa LXXXa Va et quotum IIIo nonas februarii. Ego Fernandus Petri de Deeyra, miles, eger corpore mente sanus, dispono, et cetera. In primis mando corpus meum sepeliri in cimiterio Sancti Justi de Tribulis Altis, et mando ibi mecum quantum habeo in Nozeda et in Lidon et in Figeyra de Bauzas et in filigresia Sancti Andree de Cures. Ita tamen quod uxor mea Marina Iohannis teneat inde medietatem in uita sua, et ad mortem suam totum remaneat Sancto Justo. Item mando Sancto Justo illud casale meum de Bagiam cum omnibus directuriis suis, et aliud casale in Gundiriz Pequeno de quo faciant
anniuersarium annuatim pro anima mea in die sancti Andree. Item mando monasterio Sancti Justi quantam hereditatem habeo in Gundirit de Fundo, et domnus abbas de XXX solidis pro anima mea super meam sepulturam. Man<d>o de quarta mea cauti de Guystrimir medietatem Petro Roderici et Munioni Roderici, ipsa medietas remaneat ipsis Petro Roderici et Munioni Roderici ad quorum mortem ipsa quarta dicti cauti remaneat liberam et quitam dicto monasterio Sancti Justi cum omnibus suis directuris. Mando Martino Arie et Fernando Arie quantum habeo in Brandimir, et ad mortem eorum remaneat Sancto Justo; et mando eisdem Fernando Arie et Martino Arie quantum habeo in Sancto Saluatore de Comogio, et ad mortem eorum remaneat Sancto Justo. Mando Petro Roderici et Munioni Roderici quantum habeo in Sancto Andrea de Cures, et ad mortem eorum remaneat Sancto Justo. Mando dicte uxori mee, et cetera. Et aliis, et cetera. Item mando dicte uxori mee quantam hereditatem habeo in Sanderezo, et ad mortem suam remaneat Sancto Justo, et cetera. Item mando, et cetera. Item mando quod dicta uxor mea soluat suam medietatem de illis C solidis pro quibus obligaui illam hereditatem de Neuar quam tenebam de Sancto Justo domno Petro Iohannis, et hereditas ipsa remaneat Sancto Justo quita. Item mando, et cetera. Constituo et instituo rectorem et completorem huius mei testamenti domnum abbatem Sancti Justi, et compleat hoc testamentum meum de bonis meis sine dampno suo, et teneat omnia bona mea mouilia et inmobilia quo usque testamentum istud sit completum et mea debita soluta et mea malefactoria correcta; que omnia compleantur per bona mea, et etiam instituo ipsum heredem meum.

Siquis igitur contra hoc uenerit quisquis fuerit pectet CC morabitinos; testamento isto nichilominus in suo robore permanente.

Q. p. f.: Johannes Laurencii, campsor. Martinus Petri, zapatarius dictus Mordac. Johannes Iohannis dictus de Larino, tendarius. Johannes Iohannis dictus Christianus, concharius. Parisius Iohannis et Petrus de Sancto Jacobo, clerici. Pelagius Petri dictus de Canale. Petrus Martini dictus Gordus, armiger.

Ego Jacobus Iohannis, notarius compostellanus juratus, interfui et scripsi et conf.