GMH/ÍNDICE A-Z

66
1219/10/26.

María Enaidis dóalle ó mosteiro de Toxos Outos a súa herdade de Viro, que lle dera en arras o seu marido Raimundo Pérez. A dona fai a doazón por mor das débedas que ten co mosteiro, o cal lle entrega trinta soldos máis.

B.- Tombo, f. 41rv.

Carta donacionis de Maria Enaidis, uxor Remundi Petri, de hereditas de Veeru.

In era Ia CCa LVIIa et quotum VIIo kalendas nouenbris. Ego Maria Enadis una cum filiis meis et omnis uox mea vobis domno Johanni, monasterii Sancti Justi abbati, et omnibus fratribus eiusdem monasterii omnique uoci uestre, facio kartulam donationis imperpetuum ualituram simul et nuntionem in D solidos firmiter roboratam de tota hereditate de Ueeru quam mihi uir meus Reimundus Petri per cartam in arris dedit. Totam istam hereditatem quantam ipse Reymundus Petri in predicta uilla habebat et mihi per legitimam cartam quam uobis do ipse dedit dono ego Maria Enaidis et concedo uobis et monasterio // uestro et totam meam uocem quam ego in predicta hereditate habebam uel habere debebam pro remedio anime mee et pro bono debito quod cum uestro monasterio habeo et pro XXX solidos quos mihi datis. Habeatis igitur uos eam liberam et quietam de me et de tota mea uoce in secula seculorum. Siquis contra hoc scriptum ad irrumpendum uenerit sit maledictus usque in VIIam generationem et insuper pariat penam superius dictam, hoc scripto in suo robore permanente.

Ego iamdicta Maria Enaides in hoc scripto roboro.

Q. p. f.: Petrus Anaiaz, miles, conf. Petrus Iohannis Aluanus, conf. Martinus Faneyga, conf. Johannes Fernandi, conf. Martinus Petri, conf. Petrus Gascus, conf. Dominicus Palea, conf.

Dominicus qui notuit, conf.