GMH/ÍNDICE A-Z

193
1159/07/30.

Mandas testamentarias de Martiño Páez “Brandoñas”*.

B.- Tombo, f. 69r.

Transcr.- SALVADO MARTÍNEZ, B.- “Tumbo de Toxosoutos...”, doc. n.º 18, pp. 191-192.

* Observacións: Copiado tamén como documento n.º 100 con certas variantes.

Ordinacio Martini Pelagii Brandonias.

Era Ia Ca LXLa VIIa et quotum IIIo kalendas augusti. Hec est ordinatio quam ego ordinaui Martinus Pelagii dicto Brandonias de mea infirmitate post obitum meum mandacio mea ordinata remaneat. In primis mando corpus meum ad Sanctum Jacobum et mando ibi mecum vna casa in Sanctum Jacobum. Item mando Sancto Justo unum seruiciali in Sancti Christoforo de Mallon et mea portio de ecclesia ipsius Sancti Christofori quam teneo im pignore de Aria Fielzi, et cum dederit solidos C Sancto Justo dent ei ipsam portionem. Dono etiam Sanctum Iustum meam portionem de ecclesia Sancti Felicis de Eyrom; mando adhuc ad Sanctum Justum illam medietatem quod mihi dedit Marina Serrazinze de sua hereditate de villa d’Esteyro et in Mallon per placitum ut popularem ipsam hereditatem et defenderem, et fratres compleant ei hoc meum debitum et habeant ipsam hereditatem. Do etiam ad Sanctum Justum in ipsa uilla d’Esteyro illa hereditate quam teneo in pignore de Johanne Didaci, magorino, pro solidos La, et cum dederit ipsos solidos ad Sanctum Justum habeat ipsam hereditatem. Mando ad Sanctum Justum unum seruicialem in Sofan et quantum de Didaco Furel ganaui et de Nuno Furel in Soffan totam hereditatem regiam quam domno regali ganaui in Octibus et in uali de Carnota, et cetera. Mando ut seniores Sancti Iusti tenenant hereditatem filiorum quousque filius meus Petrus sit armatus, et tunc recipiat eam; sed si calumpniare uoluerit dent ei ipsi seniores suam portionem tantum et teneant alias porciones ceterorum filiorum meorum. Sed si aliquis ausus fuerit quod in aliquo hanc meam ordinationem frangere uoluerit sit semper maledictus et nunquam uideat faciem Dei et insuper pariat solidos D; et hec mea ordinatio semper sit firma. Hec omnia currant semper per manus abbatis Sancti Iusti et fratres et per manus Petri, presbiteri, et Cresconii Muniz et Pelagii Froylaz et magistri mei Petri Martini.

Q. p. f.: Johannes, ts. Pelagius, ts. Petrus, ts. Fiel Fielz, confirma. Petrus Sicus, presbiter. Magister Martinus, conf.

Munio, presbiter, qui notuit.