GMH/ÍNDICE A-Z

Referencias da busca neste documento para: Os documentos do Tombo de Toxos Outos

494
1209/02/01.

O crego Pedro Ordóñez véndelle ó mosteiro de Toxos Outos a oitava da igrexa de S. Xoán de Buxán, a cal lle comprara á súa irmá María Ordoñez, por cento corenta soldos e mais unha vaca “pro robore”*.

B.- Tombo, f. 138rv.

* Observacións: Vide doc. n.º 461.

Carta Petri Ordonii de VIIIa ecclesie Sancti Johannis de Bugiam.

In Dei nomine. Ego Petrus Ordonii, clericus, et omnis uox mea vobis domno Petro, monasterii Sancti Justi de <To>gis Altis abbati, et omni ipsius monasterii uoci in Domino Deo eterno salutem. Placuit mihi grato animo et spontanea uoluntate ut facerem uobis et monasterio uestro sicut et facio cartulam uendicionis et textum scripture imperpetuum ualiturum de mea VIIIa integra de ecclesia Sancti Iohannis de Bugiam cum quanto ad illam pertinet et pertinere debet et cum quanto ad prestitum hominis est, quam VIIIam integram comparaui ego de Petrus Ordonii de germana mea Maria Ordonii sicut in sua carta resonat, que habuit eam ex suscepcione abiorum et parentum suorum ex parte patris sui; et habet iacentia ipsa ecclesia in territorio Irie inter montem Pina Maa et montem Sian discurrente fluu<i>o Sara. Quam octauam integram predicte ecclesie cum quanto ad illam pertinet et pertinere debet cum omnibus adiunctionibus suis et cum quanto ad prestitum hominis est dono et concedo ego Petrus Ordonii vobis domno Petro abbati et monasterio uestro pro precio quod mihi et uobis bene complacuit, id est solidos C XL et unam uaccam pro robore, et nichil de precio nec de robore remansit indebitum. Ita igitur ex hodie die sit ipsa VIIIa integra de predicta ecclesia de meo iure abrasa et in uestrum tradita, habeatis uos eam et posteri uestri et possideatis iure hereditario in secula seculorum. Siquis autem ex parte mea uel extranea contra hoc uoluntarium meum factum ad irrumpendum uenerit quisquis fuerit sit maledictus usque in VIIam generationem et cum Iuda in inferno dampnatus et pariat quantum calumpniauerit duplatum uel triplatum et insuper solidos Dos; cartula semper in su robore permanente.

Facta carta uendicionis die kalendas februarii in era Ia CCa XLa VIIa.

Ego Petrus Ordonii in hac carta quam fieri iussi manus meas roboro et signum facio.

Q. p. f.: Petrus Petri, ts. Sa<n>cius Martini, ts. // Petrus Martini, ts. Martinus Muniz de Somar, ts. Johannes Pelaiz, presbiter, conf. Petrus Petri, subdiaconus,  conf. Petrus Pelagii de Daneira, conf. Petrus Petri de Pignario, clericus, conf. Petrus Muniz de Pignario, conf.

Dominicus, presbiter et cantor, notuit, qui conf.