GMH/ÍNDICE A-Z

85
1161/10/04.

Oveco Ovéquiz véndelle ó mosteiro de Toxos Outos as herdades que lle corresponden en Suevos e Viro por cento cincuenta soldos.

B.- Tombo, f. 46r.

Carta de Oueco Ouequez de media quinta de villa de Soeuos.

Ut emptoris et uenditoris ueritas imposterum fulgeat quod gratis et precio uenditur subscriptione litterarum testimonio confirmetur, qua propter ego Houecus Houequiz et omnis uox mea vobis abbati domno Arie monasterii Sancti Iusti de Spinis Altis et omni conuentui monachorum eiusdem loci omnique uoci uestre spontanea mente et prouido consensu facimus textum scripture firmitatis et kartam uenditionis de hereditate mea propria quam habeo in villa uocitata Soeuos, territorio Celtigos, concurrente ad ecclesia Sancte Marie de Courio, que hereditas mihi prefato Houeco Houeqiz euenit ex mea auolentia et ex matre mea Vrraca Nuniz, et est determinata quinta media tocius supradicte ville de Soeuos meum quinionem et mee germane Marine Ouequiz cum qua eueni in particione ibi in Soeuos et in Veeru. Et si euenerit, quod non credo, ut ipsi non placuerit hanc meam uenditionem uos habe tote (sic) illum meum quinionem de Ueeru tamen hanc meam quintam mediam iamdicte ville cum omnibus bonis suis et directuris, casis scilicet et casalibus, montibus, fontibus, exitibus et regressibus, riuulis, proficuis et prestacionibus suis, intus et extra per terminos suos et antiquos diuisiones uidelicet per terminos Sancti Christofori et per terminos de villa Cendon et per terminos de Feruido et ascendit per montem de Penna et per terminos de Uillar et de Costa sicuti infra os terminos continentur; ab integro do et uendo uobis pro precio quod de uobis accepimus, id est CL solidos, et de precio apud uos nil remansit indebito ad soluendum. Ab hinc igitur habete eamdem nostram hereditatem, possidete, uendite, donate et omne uelle uestrum ex ea facite per cuncta secula. Quod si ego aut aliquis mihi propinquis uel extraneis contra hoc meum factum spontaneum ad irrumpendum uenerit uel uenero quisquis fuerit pariat uel pariam uobis uel uoci uestre ipsam hereditatem duplatam uel triplatam et super solidos CCCos; et hoc meum factum semper maneat ratum.

Facta carta uenditionis IIII nonas octobris, era M C LXL VIIII.

Ego iamdictus Houecus Houequiz uobis abbati superius nominato et omni uoci uestre in hac cartula uenditionis manibus propriis roboramus.

Q. p. f.: Petrus, ts. Pelagius, ts. Johannes, ts. Arias Petriz de Cambeyro, conf. Arias Afonsi, conf. Pelagius Froyle, conf. Martinus Afonsi, conf. Cresconius Muniz, conf.

Arias qui notuit et conf.