GMH/ÍNDICE A-Z

Referencias da busca neste documento para: Documentos do arquivo da catedral de Ourense (1289-1399)

59
1307, decembro, 11
venda

Mariña Domínguez, muller de Domingo Pérez, véndelle ao mestre Xoán de Solbeira unha viña en Pena Caneira (Seixalbo), foreira de media e de terza ao cabido, por 800 mrs.



ACOu, Escrituras XVI, 21

Notum sit omnibus per hoc scriptum perpetuo valiturum quod ego Marina Domenici uxor Domenici Petri pelliparii soprini Benedicti Fernandi ipso presente et concedente, vendo vobis magistro Johani de Sorbaria canonico auriensi quandam vineam quam habeo in termino de Saxo Albo loco vocato Pena Caneyra, que vinea iacet inter aliam vestram leyram ex parte una et leyram Laurencii Iohani ex altera et superius intestat in leyram Johanis Domenici et inferius ferit in carrario. Vendo vobis dictam vineam in parte de medio et in parte de tercia capitulo aurensi et liberam ab omni alio inpedimento ut vos et omnis vox vestra habeatis eam ex nunc iure hereditario perpetuo possidendam, et de ea faciatis quicquid vestre placuerit voluntati, servato iure ecclesie auriensis et consuetudine civitatis. Totum enim precium quod mihi et vobis conplacuit videlicet dccc morabetinos monete domini regis Fernandi de qua conputantur xvi par pro tribus morabetinis confiteor me a vobis plenarie recepisse in pecunia numerata. Omne ius, dominium, possesionem et proprietatem quod habeo in dicta vinea a me ex nunc removeo et per tradicionem istius carte quam inde vobis mando fieri in vestram transfero potestatem. Et obligo me et omnia bona mea tam habita quam habenda senper vos totanque vocem vestram cum dicta vendicione defendere ad directum. Siquis igitur contra hanc meam vendicionem in aliquo venire temptaverit habeat iram dei omnipotentis et incurrat meam maledicionem et quantum quisierit vobis vel voci vestre in duplum restituat et voci regie c morabetinos bone monete de pena persolvat, presente carta nichilominus suo robore permanente. Facta carta Aurie, iiiº idus decenbris, era mª cccª xlª vª. Presentibus testibus Martino Lupi duplario, Domenico Petri clericis chori, Stephano Fernandi cappellano, Johane Domenici cerdone. Et me Bartholomeo auriense thesaurario eiusdemque civitatis chancellario adibito et rogato premissis interfui et in mea presencia scribi feci signumque meum quod tale est appsui in testimonium veritatis.

(signum)