GMH/ÍNDICE A-Z

Referencias da busca neste documento para: Os documentos do Tombo de Toxos Outos

45
1228/06/24. Seregia.

Afonso IX confírmalle ó mosteiro de Toxos Outos a reguenga de Rates.

B.- Tombo, f. 30v.

Transcr.- GONZÁLEZ, J.- Alfonso IX, doc. n.º 555.
Rex.- SÁNCHEZ BELDA, L.- Documentos reales de la Edad Media..., doc. n.º 587.

In Dei nomine, amen. Notum sit omnibus presentem paginam inspecturis quod ego Adefonsus, Dei gratia rex Legionis et Gallecie, concedo et confirmo Deo et monasterio Sancti Justi de Togis Outis quantum pertinebat ad ius regale in illa hereditate que uocatur Ratis cum omnibus suis appendiciis et cum suis hominibus intus et foras morantibus; que est in rippa Thamaris et terminatur per gandera de Gentinis, et inde per Briom de Suso, et de alia parte per terminos de Roo, et inde per Sarantes et per Alueyda quam idem monasterium obtinuit ex donacione Petri Muniz de Carnota cui eamdem domnus Alfonsus, rex Hyspanie, pro seruicio quod sibi fecerat donauit secundum quod ex legitimo instrumento ipsius regis mihi constititit euidenter. Nulli igitur omnio hominum liceat hanc cartam mee confirmationis et concessionis infringere uel ei ausu temerario contraire, quod qui presumpserit iram Dei omnipotentis et regiam indignationem incurrat et quantum inuaserit duplo componat et pro ausu temerario regie parti in penam mille morabetinos exsoluat.

Facta carta apud populationem de Seregia, XXIIIIº die junii, era Mª CCª LXª VIª.

Bernaldo existente compostellano archiepiscopo. Johanne, ouetensis episcopo. Ruderico, legionensis episcopo. Nunone, astoricensis episcopo. Laurencio, auriensis episcopo. Michaele, lucensis episcopo. Stephano, tudensis episcopo. Martino, mindoniensis episcopo. Infante domno Petro, existente maiordomo domini regis tenente Legionem, Taurum, Zamoram, Extrematuram, Transserram et Limiam. Domno Roderico Fernandi, signifero domini regis, tenente Ouetum, Astoricam, Maioricam et Beneuentum. Domno Roderico Gomez tenente Montem Rosum, Montem Nigrum et Trastamar. Domno Fernando Guterrez tenente perticam Sancti Jacobi.

Domno Petro Petri, magistroscolarum auriensis, canonico compostellano, existente cancellario domini regis. Martinus Fernandi, scriptor domini regis, scripsit.