GMH/ÍNDICE A-Z

Referencias da busca neste documento para: Os documentos do Tombo de Toxos Outos

509
12111211/—/—. 1214/—/—. 1216/—/—. ——/—/—.

Recompilación dunha serie de compras feitas polo mosteiro de Toxos Outos na vila de Comparada, en Sta. Eulalia de Vilacova*.

B.- Tombo, f. 141r.

* Observacións: Vide doc. n.º 641.

De quanta hereditate monasterium ganauit et comparauit in Comparade.

Noticia de hereditate quam comparauit et ganauit monasterium Sancti Justi in villa de Comparadi. In primis de Rulam quantam hereditatem ibi habebat ipse et uxor sua Marina Pelaiz per ubicumque uadit uox de Comparade in era Ma CCa XXXXa IXa, domno Petro Sancti Justi abbate viuente et domno Johanne Tudini existente priore. De Munione Mauro et de filiis eius et de fratre suo Furtadino comparauit monasterium quantam hereditatem habebant in Comparade per ubicumque uadit uox ipsius ville ad uillas et exitus et ad montes et ad fontes in era Ma CCa La IIa, domno Johanne Tudini existente abbate. De Maria Fodina comparauit de similiter quantam hereditatem habebat in villa prefata per ubicumque uadit uox ipsius uille in era Ma CCa La IIIIa, domno Johanne Tudini abbate. Filii de Didaco Tauro et de Maria Fernandi, soror Johannis de Ruis, vendiderunt monasterio Sancti Justi quantam hereditatem habebant in Comparade; et de Adosinda Taura, soror sua de ipso Didaco, vendiderunt similiter quantam hereditatem ibi habebant. Petrus de Ama, filius de Quinta de Peom, vendidit similiter quantam hereditatem ibi habebat. Et pro alio tio suo vendidit Petrus Tizon de Sarnan et fratres eius quantam hereditatem ibi habebant; et pro alio tio suo vendidit Petrus Tizon; et ipse et germanos suos sunt debitores \ad/ defendendum monasterium cum illa hereditate ipsius tii sui. Petrus Guimariz dedit monasterio Sancti Justi pro remedio anime sue et parentum suorum Johanne Cresconii seruicialem suum cum populacione et cum quantam hereditatem tenebat in Comparade. Petrus Petri dictus Arzon misit in pignore quantam hereditatem habebat ibi et in Uilla Coua et dum tenuisset solidos XIII; debuit semper defendere monasterium de fratribus suis. Filiis de Maria Fernandi de Eranio dedit monasterium X solidos super quantam hereditatem habebant in Comparade.