GMH/ÍNDICE A-Z

156
1160/02/23.

Os irmáns Pedro e Lucio Arias véndenlle ó mosteiro de Toxos Outos o que teñen na vila de Vara, en S. Cosme de Outeiro, por dúas marcas de prata e mais oitenta soldos.

B.- Tombo, ff. 60v-61r.



Carta de Petro Arie et de fratre suo Lucius Arie de hereditate de Vara.

Hoc statuerunt ueteres patres ut nos posteri, et cetera. Ideo ego Petrus Arias una cum fratre meo Lucius Arias vobis abbati donpno Arie Sancti Justi omnique conuentui ipsius loci facimus cartam uenditionis de hereditate nostra // propria quam habemus ex parte nostri patris Arias Lucius, et ipse habuit eam de matre sua Geloyra Froylat; et hec hereditas est in terra Gentinis in honore opidi Sancti Georgii prope litus Tamaris, sub aula Sancti Cosme et Damiani, in villa uulgata Uara que est inter villam Sarantes et villam Alueydam. Damus ibi uobis in ipsa iamdicta uilla quantum habuit uel habere debuit noster supradictus pater ubi\que/ eam inuenire poteritis per terminos et loca antiqua ad eam pertinentia. Et hoc quare quia pagatis nos placabile precio et est cognitum et uolumus vt semper sit cognitu sit quia coram multis bonis hominibus factum fuit. Ipsa hereditas iam dudum iacebat in pignore pro duabus marchis ex quibus eam traxistis et insuper dedistis nobis LXXXa solidos bonorum denariorum monete regis domni Fernandi a modo uos eam habeatis et iure hereditario possideatis. Nos suspectam non habemus ut aliquis ueniat ad caluniandum tempore in aliquo uos propter eam tamen solet contingere, sed si forte auenerit ut ex nostris uel de extraneis uenerit aliquando ad conrumpendum nos pagemus eos et auferamus eos a uobis, si autem non uenerimus pagare illos calumpniatores et uobis non concederimus illam hereditatem duplemus monasterio uel eius uoci omne supradictum precium scilicet illa dua marcha et illos LXXX solidos et calumpniatores non sic recedant inmunes duplent quicquid calumpnauerint; et hec carta semper sane obtineat robur.

Facta est carta uendicionis VII kalendas martii sub era Ia Ca LXLa VIIIa.

Nos super nominati Petrus et Lucius in hac carta uenditionis manus nostras roboramus.

Qui presentes fuerunt hi sunt: Petrus, ts. Froyla, ts. Martinus, ts. Didacus,  conf. Petrus, conf. Gudesteus, conf.

Arias qui notuit et conf.

Ego Petrus Arias sic uendidi meum quinionem quomodo fratris mei Froyla Aras et sic roboro in hac carta pro me et quomodo propter illum.