GMH/ÍNDICE A-Z

496
1267/03/08.

María Pérez “Merchaa” e o seu fillo Pedro “Merchán” véndenlle ó mosteiro de Toxos Outos a súa parte na igrexa de S. Xoán de Buxán por dezasete soldos leoneses e unha tega de cebada.

B.- Tombo, f. 138v.

Carta de Maria Petri dicta Merchaa de media VIIIa tocius ecclesie Sancti Johanni de Bugiam.

In nomine Domini, amen. Notum sit omnibus quod ego Maria Petri dicta Merchaa et filius meus Petrus Mercham, qui presens est et concedit, pro me et pro omni uoce mea et pro aliis filiis meis seu etiam pro filiabus moratores in villa de Souto in filigresia Sancte Marie de Leeronio grato animo et spontanea uoluntate vendo et firmiter concedo vobis Dominico Pelagii, conuerso monasterii Sancti Justi de Togis Altis, nomine et uoce dicti monasterii cuius procurator estis, medietatem tocius octaue ecclesie Sancti Iohannis de Bugiam, que medietas fuit Ordonii Petri, aui mei, et Petri Ordonii, patris mei, et si magis uos tenetis in iure et in manu nomine dicti monasterii pro dicto Ordonio Petri, auo meo, et pro patre meo Petro Ordonii super dictum quinione quem uobis uendo habeatis ipsum cum dicto quinione et possideatis uos et uox dicti monasterii et de eis uestram faciatis imperpetuum uoluntatem; pro quo quinione dedistis mihi, presente et concedente filio meo Petro Mercham, solidos XVII legionensis, et renuncio excepcioni de dictis denariis mihi non numeratis et non traditis, et vnam talegam de cibaria de quibus omnibus supradictis ego et uox mea sumus inde bene paccati in pace. Siquis igitur contra hoc uenerit tam ex parte mea quam ex aliena pectet uobis uel uoci dicti monasterii a uoce nostra solidos Cm fortis monete; carta et uendicione nichilominus in suo robore permanentibus.

Facta carta VIIIo idus marcii sub era Ma CCC quinta.

Ego iamdicta in hac carta manus meas roboro.

Q. p. f.: Johannes Petri dictus Lucho. Fernandus Gaudia et Martinus Pelagii, gener suus. Johannes Iohannis dictus Cheyron de Petrono. Dominicus Petri de Petra de Lagarto.

Ego Johannes Iohannis dictus Palea, auctoritate sancte Romane Ecclesie publicus notarius, predictis interfui manu propria scripsi et signum meum consuetum apposui in testimonium ueritatis et conf. (Monogramma: IOHANNES).