GMH/ÍNDICE A-Z

151
1042/ 07 / 26

Xuízo entre os homes de Albarellos, representados por Trasmiro, Eyta e Nando, e dona Marina Alvarez, a quen defende Pedro Reveliz, sobre o servicio debido polos homes de Albarellos a dona Marina, ó seu marido Fernando concedéralle estas terras e estes homes ó rei don Vermudo. Estas propiedades doárallas, post mortem, dona Marina a Celanova.

TC, fols. 54r. - 55r.

Ed. por SERRANO Y SANZ, M., Documentos II, op. cit., doc. VIII, pp. 19-22.

Terminos de Sancto Felice.Nos quidem supradicti previsores ac duces. Era M LXXX, VIIIº Kalendas Augustas, regnante principe Fernando prolis Santii in sede Legionis et ducis in Gallecie Velasco Almenize, et Menendus Nuniz. Orta fuit intemptio inter homines de Alvarelios, et Petro Revelliz qui vocem pulsabat de domna Marina et de suos filios, eo quod habuit suo pater domno Alvaro prolis Beikani villas ganatas cum sua coniuge domna Onega in ipsa villa Alvarelios, pro pretio et carta, et reliquerunt eas in manu de sua filia domna Marina et viro suo domno Fernando et domno iuvante addiderunt ibi alias. Et desuper venit rex domnus Veremudus in terra de Limia, et cadivit ei mora perlongata, et fecit ad eum Fernando Alvariz et sua mulier domna Marina servitium idoneum, et elegit ipse rex domnus Veremudus coram omni concilio de sua scola qui ibi erant cum eo multa et bona que fecisset ad ipso Fernando Alvariz dona bona, sicut et fecit. / Et pro tali actione fecit ei ipse rex supradictus kartam vel comissorium de Rovoredo reddondo, et de Alvarelios de susanos, et de homines et de omnia que ibi erant commorantes, qui feci ad ipso domno Fernando et ad sua progenia servitium sicut ad rege erant soliti, et insuper quicquid illis imperasset licentiam habuisset sicut et abuit in tota sua vita. Et de ipso rege, et post obitum de ipso Fernando domno tenuit eas sua mulier domna Marina sic villas quomodo et homines, et fecit inde testamentum ad monasterium Cellenove ubi corpus ipsius viri sui humatum tenebat. Et post non multum tempus surrexit alfetena et venerunt mauros in illa terra, et paraverunt se ipsos homines in superbia et miserunt ipsas villas in contensa, et noluerunt exibere servitium quod erant soliti. Et dum vidi ego Marina talia quia nec \mihi\ neque monasterio supradicto non faciebant servitium, nec reddebant illum fructum paccatum de ipsas villas querelavi me proinde in concilio et in presentia domno Santio. Obinde et ille dedit proinde inter nos et ipsos homines iuditium, hic in ipsa villa Alvarelios. Et elegerunt ipsos homines suos mandatores in ipso concilio nominibus Trasmiro, Nando et Eita qui pulsaverunt suam vocem et de suos vicinos todos qui hereditarios erant in ipsas villas. Et dixerunt quia nemini servivimus intiquam per alio foro nisi cui voluimus per benefacturia. Et adtonitus ad hanc vocem surrexit Petro Revelliz, et dixit in voce de domna Marina et de suos filios, qualiter fuerunt ipsos homines et ipsas villas de rege potestas, et abuit illas ganatas Fernando Alvariz et sua mulier domna Marina pro actio qui iam sursum resonat in ista actione. Et nunc fecerunt se ipsos homines reppetas cum ipsas villas iam de tertio anno, et nolunt reddere illum fructum de ipsas villas nec servire sicut erant soliti. Et dum viderunt ipsos homines talia tornaverunt proinde ad rogo et compagina, et rogaverivit ibi in ipso concilio domnam Marinam que dixissent ei suas villas, sicut et fecerunt et illum fructum sicut lex docuisset. Et illa misericordia commota dimisit eis ipsam sententiam. Et adsignarunt ad illam suas villas per manum Pelagio Alvitiz, et roborunt ei placitum qualem audituri eritis, ut amplius ipsas villas vel fructum illarum numquam inquietent, sed more pacata reddant illo cui ipsa domna Marina iusserit. Obinde et nos iam supradicti, Trasmiro, Eyta et Nando qui vocem pulsamus in concilio de nostros germanos vel heredes hi sunt prenominati qui in concilio parent filios de Segeredo nominibus Salvator et Gudesteu, qui pulsant suam vocem et de suos germanos vel heredes Goda que suam vocem, et de suos tiones vel heredes Ioacino et suos filios qui pulsant suam vocem et de suos heredes. Ordonio et sua mulier qui pulsant pro se et pro suos heredes. Sindilo Alvariz et sua mulier pro se et pro sua gente. Eyta Alviniz et sua iermana pro se et sua gente. Nos iam supranominati qui in hoc concilio parebimus, qui dicuntus sic pro nos quomodo et pro illos alios nostros heredarios qui in isto concilio non parent, vobis Petro Revelliz qui vocem pulsatis in concilio de Marina Alvariz et de suos filios pro ista actione suprataxata, precarium placitum vobis facimus, et per hunc nostrum plazum et hanc actionem vobis compromittimus adimplendum ut stemus quietos et humiles in servitio de domna Marina, et de suos filios, et reddamus eis fructum de ipsas villas supradictas, sicut et prius et sicut ille rex docuit, vel cui nos illa imperaverit ipsum debitum hoc solvere. Quod si aliquam ausi fuerimus aut nos aut aliquis de progenie nostra ipsas villas inquietare, aut vestrum servitium vel dominium comtemptere, aut iterum proinde iuditium revocare, tam per nos quam per qualibet ingenio vel potestas in quacumque regnum vel tempus quicquid ille fuerit qui subposita mittere voluerit, per hanc agnitio pariet vobis ipsas villas duplatas vel triplatas // aut quantum ad vos fuerint melioratas, et post parte rex vel iudex alias tantas, et vos perpetim habituras.

Ego Trasmiro, Eyta et Nando qui hanc vocem pulsamus, in hanc agnitio vel placitum manus nostras roboravimus (signum).

Santius dux prolis Velasconi qui iudex fuit cfr.