GMH/ÍNDICE A-Z

356
1195/08/16.

Mandas testamentarias de Pedro Odoáriz “Besezo”.

B.- Tombo, f. 109v.

Testamentum Petri Oduarii dicti Besezo de hereditatibus de Aqua Leuada et de Velares.

Era Ma CCa XXXa IIIa et quotum XVII kalendas septembris. Hec est ordinacio quam ordino ego Petrus Oduarii dictus Besezo, et cetera. In primis mando cor pus meum sepelliri in monasterio Sancti Justi et in presenti per Dei inspiracionem conuerto me, et cetera. Et mando ad predictum monasterium totam meam hereditatem de Aqua Leuada cum tota sua uoce et directura; et unam seruicialiam in Vesares in qua sedet Munio Gallina quam tenet modo in pignore pro XL solidos filius meus Oduarius Petri quos persoluat ei monasterium et habeant sibi liberam ipsam hereditatem cum sua populatione; et mando etiam ibi aliam seruicialiam in ipsa villa de Uesares quam iam dedi ipsi monasterio per testamentum et kartam; et sunt ambe due partes de tota mea hereditate et uoce de Uesares siue de auolencia siue de ganancia. Totas istas hereditates cum sua uoce et directura et cum suis hominibus mando ad Sanctum Iustum pro anima mea et pro anima patris mei qui eas ganauit. Mando etiam uobis et delibero uestram porcionem de villa Pausada quam uobis dedit congermanus meus Petrus Carnota, et mando ut teneat monasterium annis X totam meam porcionem de ipsa villa de Pousada cum quanto ibi habeo ut dimittat mihi Deus quantum lucratus sum ex ea ex longo tempore quia habet monasterium super ea VII marcas et duos morabitinos, quod totum commodauit mihi abbas domnus Pelagius cum suis fratribus super eam sicut in nostris placitis resonat, et expletis Xm annis quando de sancto Martino in sanctum Martinum filii mei dederint uobis totum supradictum habere deliberentur eis ipsam mea porcio. Ad domnum Petrum, abbatem ipsius monasterii, mando meam sorteliam ut mittat eam in vnam hereditatem que seruiat semper ad ipsum monasterium, et non in aliud mittatur; et ut per eam etiam persoluantur ista debita mea sola, et cetera. Mando etiam ad ipsum monasterium meum roncinum insellatum et infrenatum, et cetera.

Et si aliquis ex parte mea uel extranea istam mandacionem mea contradicere uel irrumpere tenptauerit sit maledictus usque in septimam generacionem et cum Datan et Abiron penis inferni luat et insuper regie parti persoluat mille solidos, et ista mea mandacio semper stet in suo robore.

Q. p. f.: Petrus, ts. Didacus, ts. Johannes, ts. Pelagius Sarraceni, miles.  Johannes Didaci de Barualgos. Et multi alii.

Johannes, presbiter, scripsit.