GMH/ÍNDICE A-Z

Referencias da busca neste documento para: Os documentos do Tombo de Toxos Outos

8
1144/06/25. Carrión de los Condes.

Afonso VII dóalle ó mosteiro de Toxos Outos as herdades de S. Paio e Infantes, na vila de Pobladura de los Oteros, no bispado de León.

B.- Tombo, f. 5v.
Transcr.- RECUERO ASTRAY, M.; GONZÁLEZ VÁZQUEZ, M. e ROMERO PORTILLA, P.- Documentos medievales..., doc. n.º 99.
Rex.- SÁNCHEZ BELDA, L.- Documentos reales de la Edad Media..., doc. n.º 237.

Ea que a regibus donantur siue conceduntur oportet ut litterarum testimonio confirmentur; qua propter ego Adefonsus, Dei gratia Ispanie imp<er>ator, vna cum coniuge mea regina domna Berengaria vobis abbati domno Martino et monachis Sancti Iusti tam presentibus quam futuris ibidem Deo seruientibus pro remedio anime mee et parentum meorum facio kartam donationis de hereditatibus quas habeo uel habere debeo in villa Publadura, in termino de Valle de Saz; et sunt ipse hereditates uocitate de Sancto Pelagio et de Infantibus. Istas siquidem hereditates concedo vobis et monasterio predicto per suos terminos antiquos cum omnibus suis directuris, cum casis et ortis et agris et senaris et senrris et linaris et vineis et pratis cum exitibus et regressibus, fontibus et pascuis, per ubi illas inuenire potueritis,  habeatis et possideatis uos et omnes successores uestri imperpetuum. Siquis uero de parte mea uel de extranea contra hoc meum regium donum ad irrumpen dum uenerit sit maledictus et excomunicatus et a matris Ecclesie sinu segregatus et quod inuaserit duplet. Et hec karta semper maneat in suo robore, et qui eam infringere temptauerit pariat C libras auri.

Facta carta donationis in Carrone, et confirmationis, sub era Mª Cª Lª XXXª IIª et quotum VIIº kalendas julii. Adefonso imperatore inperante in Toleto, in Legione, in Saragoza, in Naiara et Castella et Gallecia.

Ego Adefonsus imperator hanc cartam jussi fieri et factam propria manu roboraui postquam coronatus fui (Monogramma: SIGNUM IMPERATORIS). Berengaria imperatrix, conf. [Inf]antissa domna Sancia, conf.

[Comes Fe]rnandus, conf. C[omes R]udericus, conf. Comes Gomez, conf.
Petrus, legionensis episcopus, conf. Petrus, palentinus episcopus, conf.
Bernardus, zamorensis episcopus, conf. Berengarius, salamantinus, conf. Bernardus,  segontinus episcopus et capellanus imperatoris.  Guter Fernandiz, maiordomus in curia, conf. Didacus Froylat, signifer regis, conf. Veremudus Petriz, conf.

Petrus, ts. Johannes, ts. Martinus, ts.

Giraldus scripsit hanc kartam iussu magistri Hugonis, cancellarii imperatoris.