GMH/ÍNDICE A-Z

Referencias da busca neste documento para: Os documentos do Tombo de Toxos Outos

354
1218/06/24. San Xusto de Toxos Outos.

O presbítero Paio Eáns “Leitón” entra como monxe no mosteiro de Toxos Outos e fai testamento.

B.- Tombo, ff. 108v-109r.

pan style="font-weight: bold;">Carta de Pelagio Leyton, presbitero, de ecclesia Sancte Marie de Besecio cum hereditate laycalia tam sua quam de suis germanis.
pan>

In Dei nomine. Ego Pelagius Iohannis cognominato Leyton, presbiter, uolens assummere sicut et assummo habitum religionis et monasterio Sancti Iusti sub manu domni Johannis abbatis, pro Dei amore et sancte Marie uirginis et pro animabus omnium parentum meorum facio testamentum et cartulam donacionis imperpetuum ualituram de tota mea hereditate \tam/ ecclesiastica quam laycali quantam habeo et habere debeo meam et de meis germanis omnibus in territorio Besezo in ecclesia Sancte Marie de Besezo. Totam ipsam hereditatem quantam ego et germani mei habere debemus in predicta ecclesia et filigresia ipsius ecclesie porcionem meam et porciones fratrum meorum et sororum mearum do et concedo predicto monasterio et fratribus ibidem Deo seruientibus. Quas porciones ipsorum fratrum meorum et sororum mearum presenti ego comparo de germana mea Maria Martini et de filiis suis Johanne et Alfonso et Pelagio, et de filia Iohannes Leyton nomine Guyna, et de omnibus nepotibus Martini Leyton, scilicet de Petro Martini et de alio Petro Martini et de Pelagio Martini et de Martino Martini. Et do omnibus istis pro predicta hereditate alias meas hereditates quas habeo in ambos Uiogios et omnes alias meas hereditates quas habeo in terra de Pistomarchis mando consobrinis meis et nepotibus Martini Leyton excepta illa mea hereditate de Lausame cum tota sua uoce de qua mando ut consoprini mei filii de sorore mea Maria Martini, scilicet Johannes et Affonsus et Pelagius, habeant singulas quartas de ipsa mea hereditate de Lausame, et omnes nepotes de Martino Leytom habeant unam quartam, et annuatim dent ad infirmatorium Sancti Iusti pro meo anniuersario unam octauam de pane et de castaneis siccis, et hoc semper dent in Aduentum Domini in die sancte Marie, et infirmarius de ipso infirmario semper mittat pro ipso anniuersario ad ipsos de progenie mea qui ipsam meam // hereditatem tenuerint. Dono etiam supradicto monasterio porcionem sororis Marie Lectona quam ipsa mihi mandauit ut ego facerem de ea sic et de mea quam hereditatem habui de atauo meo domno Auido cuius fuit quarta de predicta ecclesia; de domno Auido nata est domna Fromili et de ipsa Guina, Maria, filia Odoarii Martiniz, et de ipsa Marina Didaci et de Marina Didaci ego Pelagius Leytom qui habeo pro me et pro meis germanis de duabus partibus unius XIIe supradicte ecclesie quartam integram cum tota sua uoce et cum tota sua hereditate laycali in ipsa filigresia supradicte ecclesie. Hanc hereditatem dono et concedo monasterio Sancti Justi et omnibus fratribus ibidem morantibus et Deo seruientibus ut habeant et possideant eam iure hereditario ipsi et omnis posteritas ipsius loci in secula seculorum, amen. Hanc hereditatem ego in presenti extraho de pignore XXXa solidos pro quibus eam miseram pro homicidio quod fecerat frater meus Johannes Lectom. Siquis ex parte mea uel extranea hoc meum factum irrumpere temptauerit sit maledictus usque in VIIam generationem et insuper pulsanti uocem regis pariat solidos CCC; hoc testamentum in suo robore permanente.

Facto testamento sub era Ma CC LVI et quotum VIII kalendas julii.

Ego Pelagius Leytom, presbiter, cum omnibus supradictis consoprinis meis et nepotibus meis in hoc testamento quod fieri iussimus manus nostras roboramus.

Q. p. f.: Domnus Johannes, abbas, conf. Fernandus, prior, conf. Johannes Alfonsus, celararius, conf. Petrus Fernandi de Iales, miles, testes. Martinus Petri de Uiogio, testes.

Petrus Petri, presbiter, dictus Batalia, qui notuit et confirmat.