GMH/ÍNDICE A-Z

Referencias da busca neste documento para: Documentos da catedral de Lugo. Século XIV

459
1345, xaneiro, 14. Aviñón
Carta de poder outorgada polo cóengo Afonso Gómez a favor do clérigo Xoán Eanes e o cóengo Fernando Afonso.
MADRID, AHN, Cód. 416 B, fol. 75r, incluída en: 1345-V-14, CD 463.

In nomine Domini amen. Anno a nativitate eiusdem millessimo trecentesimo quadragesimo quinto, indictione XIII die, XIIII die mensis ianuarii, pontificatus sanctisimi in Christo patris et domini nostri domni Clementis divina providencia, Pape VI, anno tercio. In presencia mei, notarii publici, et testium infraescriptorum ad hoc specialiter vocatorum et rogatorum, personaliter constitus venerabili vir Alffonsus Gunsalvi, canonicus lucensis, clericus domesticus conmenssalis reverendissimi patris et domini domni Petri Dei gratia, episcopi Sabinensis sacrosante romane ecclesie cardinalis, non revocando alios procuratores suos, fecit constituit ac ordinavit suos veros legitimos procuratores ac nuncios speciales venerabili viri domni Fernandum Alfonsi, canonicum lucensis, ac discretos viros Iohanem Iohanis de Berroca, Laurencium Iohanis de Meosende, clericos, ac Gometiu Roderici, laicum, consobrinum suum, tudensis diocesis latorem seu latores presentis procuratorii omnes in simile et qualibet eorum in solidum itaque non sit melior condicion primicus ocupantis ad presentandum intimadum et notifficandum pro eo et eius nomine venerabili in Christo patri domino Dei gratia, episcopo lucensis, ac venerabili et discretis viris domnis decano et capitulo omnibusque singulis canonicis et perssonis ecclesie lucensis ac universsis et singulis aliis quorum inter est processum conmenssalitatis dicti domini cardinalis privilegium super fructibus dicte sue prebende lucensis in abssencia percipiendis continentem et ad requirendum subdelegatos in dicto processu contentos et deputatos et qualibet eorundem qui ad executionem mandati dicti domini cardinalis in dicto processu contenti procedant seu procedat et sub pennis ibidem contentis et execucionem faciant prout eis et eorum cuilibet conmititur et mandatur et de presentacione, notifficacione et requisicionibus supradictis sibi fieri unum sive plura instrumenta nec non ad petendum exigendum colligendum et recipiendum eius nomine et pro ipso omnis et singulos fructus redditus et proventus obvenciones et iuradictorum canonicus et prebenda eidem Alfonso debitos et debendos et eos locandum administrandum arrendandum prout eisdem vel eidem videbitur expedire et faciendum de hiis que receperunt [fane] quitacionem, reffutacionem et pactum de ulterius non petendo et si necesario fuerit pro predictis vel aliquo predictorum ad agendum, deffendendum, petendum, recipiendum, reconveniendum, recusandum et contradicendum, exceptionem seu exceptiones proponendum, libellum dandum, littere contestandum, probandum reprobandum, alegandum, concludendum sentenciam seu sentencias, audiendum, appellandum apelos petendum, appellacionem seu appellaciones prossequendum, iuramentum de calumpnia et de veritate dicenda in anima sua prestandum alium seu alios procuratorem seu procuratores ad omnia et singula supradicta vel aliqua singularia substituendum vel substituendos ipsosque revocandum et procurationem ipsam in se ipsos et eorum alterum resumendum quociens ei vel eorum alteri videbitur expedire et generaliter omnia et singula faciendum, gerendum et exercendum que in promissis et circa promissa ac quodlibet promissorum fuerint opportuna, etiam si mandatum exigant speciale et que venerabili et legitimi procuratores facere possunt et debent et quia ipsem et constituens faceret et facere posset specialiter intereset etiam si maiora essent quem presenti mandato contineatur promittentes se ratum et gratum perpetuo habiturum quidquid per dictos suos procuratores vel eorum alterum vel substitutum seu substitutos ab eis vel eorum alterum actum factum gestum vel ordinatum fuerit in promissi et circa promissa et quodlibet promissorum et volens idem constituentes dictos procuratores suos eorum quilibet ac substitutum seu substitutos ab eis vel eorum altero ab omni satisdacionis onere relevare promisit michi, notario infrascripto, ut perssone publice legitime stipulanti vice et nomine quorum interest vel interesse poterit iudicio sisti et iudicatum solvi cum omnibus suis clausulis oport[...] sub ypotheca et obligacionem omnium bonorum suorum.

Acta fuerunt hac Avinnion in operatorio mei, notario publici infrascripti, prope palacium apostolicum, anno indictione die mensse et pontificato quibus supra.

Presentibus: discretis viris domno Iohanne Ferrici, presbitero, canonico Rosenten, et Christiano Stephani, clerico, publico notario laudimensis et tulensis diocesis, testibus ad promissa vocatus specialiter et rogatus.

Et ego Guillelmus Ducroc, clericus Rothomagensis diocesis, publicus imperiali auctoritate notarius, promissi omnibus et singulis dum sic agerentur una cum predictis testibus presens fui eaque omnia et singula publicavi et scripsi et in hanc publicam formam redegi signoque meo solito signavi requisitus et rogatus.

G. Ducroc.