GMH/ÍNDICE A-Z

296
1241/12/18. 1243/09/10. Santiago de Compostela.

O cabaleiro García Pérez “Feo” dóalle ó mosteiro de Toxos Outos toda a súa herdade na vila de Sabaxáns, en S. Xulián de Bastavales; aínda que a terá durante a súa vida, ó morrer deixaralla ó cenobio.

B.- Tombo, f. 95r.

Carta de Garsia Petri dictus Feo, miles, de hereditate de Sauagiaes.

In nomine Domini, amen. Notum sit omnibus quod ego Garsias Petri dictus Feo, miles, et omnis uox mea vobis domno Johanni, abbate monasterii Sancti Iusti de Tribulis Altis, et conuentui eiusdem loci omnique uoci uestre facio testa mentum simul et kartulam donationis imperpetuum ualituram de quanta hereditate habeo in villa de Sauagiaes, et est medietas de quanta ibi habuit pater meus Petrus Fernandi, et est etiam quanta ego ibi ganaui; que hereditas est in terra de Amaea sub monte Syam in filigresia Sancti Iuliani de Bastauales in predicta villa de Sauagiaes, et diuiditur sic, videlicet Garsia Petri habuit medietatem de Sauagiaes pro tercia et Vrraca Petri et Maior Petri alteram medietatem pro tercia. Do inquam istam hereditatem dicto monasterio pro anima mea et patris mei et pro bono quod mihi faciunt et facere promittunt, et ego debeo dictam hereditatem in uita mea de de supradicto monasterio tenere, ad mortem uero meam ad supradictum monasterium in pace et libere imperpetuum deuoluatur cum omnibus directuris suis ubicumque fuerint.

Siquis contra hanc donacionem meam ad irrumpendum uenerit quisquis fuerit pectet uobis abbati et conuentui et uoci uestre solidos D fortis monete; carta et donacione nichilominus in suo robore permanentibus.

Facta carta et donacione XVo kalendas januarii sub era Ma CCa LXXa VIIIIa.

Ego iamdictus \Garsia/ in hac carta manus meas.

Q. p. f.: Pelagius Didaci, miles, dictus Mosca. Garsia Petri de Berres, milles.  Alfonsus Petri de Berres, armiger. Petrus de Berres, prior. Petrus Gascus et Martinus Saniz et Martinus Iohannis et Dominicus Caballarius, monachi dicti monasterii.  Fernandus Iohannis de Spaarit et alii multi.

Ego Guilielmus Martini, compostellanus notarius juratus, de mandato Martini Iohannis, presbiteri Sancti Juliani de Bastauales, dicentis hoc esse roboratum in manibus suis, feci scribi IIIIo idus septembris sub era Ma CCa LXXXa Ia.

Presentibus Fernando Martini, clerico cori. Alfonsus Suerii, monacho Celle Noue. Michael Petri, clerico de Bastauales. Fernando Arie, corrigiario.

Ego Adam Petri de mandato Vilielmi Martini, notarii compostellani jurati,  scripsi.