GMH/ÍNDICE A-Z

280
1104/ 06 / 03
Vimarani, servus servorum Dei, coa súa muller e fillos, dóalle ó abade Pedro e ós frades de Celanova, a súa herdade en Reparadi e a cuarta parte da villa de Todemondo, neste mesmo lugar.
TC, fol. 110r.

Salvatori Deo hac redemtori nostro Ihesu Christo et sanctorum apostolorum eius, in cuius onore constructa est aula vel monasterii Cellenove. Ego exiguus hac pusillus servus servorum Dei Vimarani prolis Pelagio, simul cum uxori mee Ilduara Pelaiz et filiis nostris Eldonca, Petro, Gundisalvo, Rudesindo, Fredenando. Qum simus peccatorum nostrorum mole depressis, annuit nobis volumtas cordis ut propter remedium anime nostre, donamus atque concedimus ad suprataxatum locum et ad domnum nostrum abba domnus Petrus vel a servis Christi in eodem loco habitantes et in vita sancta perseverantes, hereditatem nostram quem abet iacentia in Reparati, villa quem dicent Vimaranes integra nostra porcione. Hic adicimus quarta de villa de Todemundo et per suis terminis et locis antiquis, territorio Psallar subtus mons Ageres, discurrente rivulo Sallar, vocabulo ecclesie sancto Mamete. Divideret illas hereditates per terminos per illas congustas de sancto Iohannem, ex alia parte per illa petra pausatoria de Prato, et inde per illa custodia que dividet cum Palatiolo, ut in ipso loco inde habeant servis Dei temporale lucrum, et nos ante Deum premium inconvulsum. Et si aliquis homo ad inrumpendum venerit quisquis ille fuerit, inprimis ambobus a fronte careat lucernis, et sit anatematus et insuper pariat ipsas hereditates duplatas, et hunc factum nostrum in cunctis temporibus obtineat firmitatis vel roborem.

Facta scriptura quotum IIIº nonnas Iunii. Era M C XLII.

Nos superius nominatus in hanc scripturam manus nostras roboravimus (signum).

Prepositus Gaudila cfr. Prioris Pelagius cfr. Iohanne presbiter cfr.

Pro testes: Pelagius. Petrus. Didacus.

Munnius notuit et cfr (signum).