GMH/ÍNDICE A-Z

Referencias da busca neste documento para: Os documentos do Tombo de Toxos Outos

16
1167/11/26.

Rodrigo Suárez, a súa muller e os seus fillos cámbianlle ó mosteiro de Toxos Outos dúas partes da vila de Cando, que lles foran doadas polo rei don Fernando II,  por trescentos oitenta soldos anxovinos, dúas servicialías na vila de Bornalle e outras seis na vila de Tal. As dúas servicialías de Bornalle volverán ó mosteiro trala morte da parella.

B.- Tombo, f. 11rv.

Ea que uenduntur uel donantur ne posteris obliuioni tradantur siue etiam  que contramutantur pro memoria temporum litteris assignantur, iccirco ego Rudericus  Suerii una cum uxore mea Vrracha Anfonsi et cum filiis nostris et genero nostro  Pelagio Pelagii et eius uxore Sancia Ruderici et ceteris filiis nostris et cum omni  uoce mea grato animo et spontanea uoluntate nemine cogente nec suadente vobis  abbati domno Petro monasterii Sancti Justi et omnique conuentui monachorum  eiusdem loci presentium et futurorum ibidem Deo seruiencium et omnique uoci  eiusdem monasterii facimus kartulam contramutationis et textum // scripture firmitatis  duabus partibus tocius ville de Cando cum omnibus bonis suis que ad eamdem  villam pertinent seu pertinere debent sicut eam nobis concessit rex domnus  Fernandus cum omni uoce regia in tota filigresia de Sancto Tirsso de Cando et nos  usque hodie iure regia possedimus, scilicet per mediam aquam de Tamar et per  aquam de Murcego Infesto et per ipsum uallinum et per archas de Qrinna et per  Aballadoyras et per cubitum de candano de Oronia et per uallum de Euis et per  archas de super Campum Ruuim et per ipsam aquam que discurrit de Campo  Rouim et intrat in Tamar, excepta inde villa integra de Eegia per suos terminos antiquos  quam uos habetis de domno Veremudo Petri. Simul etiam damus uobis illam  uocem integram et directuram que regi conuenit in riuulo Tamaris, scilicet per  mediam aquam de Tamar cum nassariis et piscariis de aqua de Lueiro usque ad  Merou sicut isdem rex nobis contulit pro multo seruicio quod nos ei fecimus.  Damus uobis omnia supradicta ab integro sicut nos usque hodie iure regio possidemus,  et recepimus de uobis precium et cambiationem solidos CCC LXXX andegauensium,  et in villa Tali V seruicialias quas domnus Anfonsus Anaie et uxor sua  Adosinda Menendi comparauerunt de monasterio Saris et uobis et monasterio uestro  dederunt pro animabus suis excepta porcione de ecclesia. Simul etiam datis  nobis in villa Tali aliam seruicialiam quam ibi habetis, et in villa Bornallo duas  seruicialias quas hodie ibi habetis; sed iste due seruicialie de Bornallo post mortem  ambarum nostrarum habeat eas monasterium Sancti Justi pro animabus nostris. Et  ab hodierno die sint omnia supradicta que regi conueniunt in tota feligresia de  Sancto Tirsso de Cando cum toto regalengo de fluminis Tamaris de potestate nostra  abrasa et in uestro iure confirmata in secula seculorum. Sed si aliquis ex parte  nostra uel extranea uos super hoc nostrum spontaneum factum inquietauerit sit  maledictus et voci regis mille aureos persoluat, et hoc nostrum factum semper  maneat firmum.

Facta carta contramutationis in era Ma CCa Va et quotum VIo kalendarum
decenbrium.

Nos Rudericus Suerii et Vrracha Anfonsi et Pelagius Pelagii et Sancia Ruderici cum omnibus uocibus nostris in hanc cartulam quam fieri iussimus manus nostras roboramus.

Qui presentes fuerunt: Comes donus Rudericus, conf. Comes Gundisaluus,  conf. Nunus Cota, conf. Petrus Martini, conf. Ania Pardus, conf. Martinus Pardus, conf. Ania Carnota, tst. Rodericus Marra, tst. Arias, monachus, tst. Pelagius Caluus, test. Froylla Pelagii, tst. Aloytus, monachus, test.

Gundisaluus, presbiter, qui notuit et confirmat.