GMH/ÍNDICE A-Z

Referencias da busca neste documento para: Tombo de Celanova

567
947/ 03 / 26
O presbítero Seriniano dóalle ó bispo Rosendo e ó mosteiro de Celanova varias igrexas e villae no territorio de Bubal.
TC, fols. 194r. - 194v.

TESTAMENTUM SENDINI CONVERSI LOCUM SANCTE IUSTE ET SANCTI VICENTI ET DE ALIAS ECCLESIAS RIPA MINEI.

In nomine sancte et individue Trinitatis sive in honore Sancti Martini episcopi et confessoris et ceterorum apostolorum martirum virginumque in quorum laude monasterium et templum dinoscitur esse fundatum vocabulo Cellanova. Ego Serinianus hacsi inmerito presbiter in Domino salutem. Tempus hoc humane fragilitatis que miseros in hac corruptione deprimet, et per huius seculi labili observatione deducit sub quadam occulto velamine (...)1 captionis pretendere comprobatur et mihi [in hac] convenit metuere, ut per tanta cecitatis ut deceptionis umbra desinam gradere, ne quod absit cum fatuis et pereuntibus / eterne mortis caligo involutus existat. Ideoque ut et hic predictorum sanctorum fulciri presidiis merear, qualiter intervenientibus merear pravorum declinare semitibus et bonis ingredere, verum etiam ut copuler in eorum consortiis qui in predicto monasterio suas adherudiendas atque sanctificandas Christo animas tradiderunt. Placuit mihi huius papertatis mee indiculum una pariter cum meipsum eis concedere et post nomen Domini et sanctorum eius perpetualiter cum eis vivens et moriens interesse. Idest offero glorie Dei et pontificis domni Rudesindi episcopi et fratrum eius metipsum cum omnia mea id est ecclesia vocabulo Sanctarum Iuste et Rufine, cum terris, saltis, pomiferis, pratis vel cum omnia quod ad prestamentum hominis pertinet, sic quomodo in omni giro sumitate montis designat, de rupe desursum usque per ubi deliberat deorsum cum alio locello Sancti Vincenti sive et terras quod sursum in plano comparavi super ipsum locumvel subtus ipsum vineas quod iusto precio emi, usque in aqua de flumine Mineo unde iam cartas concessio comparationis de nomine meo, quod me visum est contenuisse vel iuri meo vindicasse cum dicione ecclesie omnia post parte Dei et servorum eius perhenni tradictione confirmo ab omni integritate quod me vel competere vel iudicasse comprobatur. Et est loca ipsa in vertice montis que Pernia vocatur inter duos capitales vicos Mellanes et Luintria. Adicio etiam de villas quamdicunt Platuseneta tam in terras quam et in pumares mea ratione quod me competet inter meos heredes vel germanos, tam in cultum quam etiam incultum, tam in exitos quam in regressos, verum etiam et mea ratione quod me quadrat in ecclesia Sancti iacobi inter meos consortes, in domos, terras et pomares, vel in omnia quod visumest ipsi ecclesie pertinere. Concedo etiam in villare de Mulieres mea ratione in domos et bauzas. In Roboreta in exitos et pratos, sive in pomerios mea ratione quod me ab integro competet in ipsa villa per omnes suos terminos in giro. Contesto etiam et alia ecclesia quod vocant Sanctum Christoforum et villa olim dicta Iuliani nuper vocata Papelli tam de ecclesia quam de villa mea ratione ab integro quod me competet coheredes in terras, in vineas, in sautos (...)2 in piscarias de Mineo usque in exitos montium. Concedo etiam de ecclesia et villa Sancti Stephani mea ratione in terras, in vineas seu pumares quod me ibidem inter meos germanos competet, sive inruptum vel non abruptum omne mea ratione confirmo. Et sunt ambas istas ecclesias vel villas in aula fluminis Minei territorio Bubalo. Concedo etiam et de alia villa qui iacet inter Plataneta et Sancta Eogenia quod dicunt Fredenandi mea ratione in terras et in pomares, quod me inter meos germanos competet ab integro, de libertos vero avorum et parentorum meorum quorum nomina in noticia resonant precipio eis ut suum debitum vel patrocinium quod me in eis competet post parte monasterii Cellanova perhenni concedo. Et sunt habitantes in villas qua dicuntPlataneta [chasata] qua vocant Andiari. Hec omnia suprataxata quod me in omnibus supradictis eclesiis vel vicis competet ab omni integritate perhenniter concedo. Qualiter ab hodierno die et tempore omnia de iuri meo abrasa et in iure Dei et monasterio perhenni modo firmiter pro anima mee remedium. Si quis tamen, quod fieri minime credo, de meis heredibus vel de extraneis hec factum meum infringere quesierit, quicumque ille fuerit sit excommunicatus et perpetua confusione multatus in conspectu Dei patris omnipotentis et sanctorum apostolorum eius et martirum adque cum Iuda Domini proditore uno contubernietur in loco in tenebris exterioribus et caligosis, et insuper pariet tantum et aliud tantum quantum infringere conaverit.

Facta series testamenti die VII Kalendas Apriles. Era D CCCC LXXX V.

Sendinus qui de bautismo Sereniamus dicor hac series testamenti a me facta licet indignus presbiter et confessor cfr (signum).

Hordonius confesus ts. Gulderes confesus ts. Egila confesus ts. Quidericus confesus ts. Ariulfus confesus ts. Ranimirus confesus ts.

1 Hai un pregamento no pergameo: +- 2.

2 +- 5.