GMH/ÍNDICE A-Z

Referencias da busca neste documento para: Os documentos do Tombo de Toxos Outos

139
1166/05/23.

Cresconio Fróilaz e mailos seus irmáns véndenlle ó mosteiro de Toxos Outos
a súa herdade na vila de Torea por dous soldos e medio.

B.- Tombo, f. 57v.

Carta de Cresconio Froyle de hereditate de Torea.

In Dei nomine. Ego Cresconius Froylez et omnis uox mea vobis abbati domno Petro Sancti Iusti et congregationi uestre salutem, amen. Placuit mihi pro bona pacis et mea fuit uoluntas ut facerem uobis textum scripture firmitatis et karta uendictionis de hereditate mea propria que habeo de abiorum uel parentum meorum in uilla uocitata Torea quantum ibi habeo uel habere debeo de patre et de fratribus meis totam meam portionem et de fratribus meis integram per suos terminos antiquos kasas, kasales, terras cultas et incultas, arbores, montes, fontes; do eam uobis pro quo accipio a uobis precium, id est solidos II et medium regale monete quod uobis et mihi satis libuit. Ita ut de hodie die de meo iure sit abrasa et in uestro dominio sit tradita; habeatis eam et possideatis, uendatis, donetis, et adque uelle uestrum faciatis imperpetuum. Quod si aliquis homo de mea parte seu de extranea hunc meum factum \ad irrumpendum/ uenerit uel uenero tam ego quam extranei quocumque fuerit pariat ipsa hereditate duplata uel triplata; et uobis perpetim habitura.

Facta carta uendictionis in era Ia CCa IIIIa et quotum Xo kalendas iunii.

Ego Cresconius Froylat cum germanos meos in hac karta manus nostre.

Q. p. f.: Cresconius Affonsi, conf. Affonsus Cresconiz, eius pater, conf.  Perellon de Louro, conf. Petrus, ts. Johannes, ts. Martinus, ts.

Petrus, diaconus, qui notuit, conf.