GMH/ÍNDICE A-Z

745
1223/03/05.

Testamento de Fernando Díaz “Mazaricos”.

B.- Tombo, ff. 184v-185r.

Testamentum Fernandi Didaci dicto Maraciquo de una seruicialia in Spineyrido (...).

Hec est ordinacio quam ordino ego Fernandus Didaci dictus Maracicus positus in graui infirmitate ut si inde mortuus fuero, et cetera. In primis mando corpus meum sepelire in cimiterio Sancti Iusti de Tribulis Altis, et mando ibi mecum X equas quas habeo in Pestomarchos et X vaccas quas habeo in domo de Didaco Gunsalui de mea senara, et unum seruiciale<m> bene populatum et meum proprium que habeo in Spineyrido, et alium quem de monasterio ibi tenebam, et alium meum seruicialem quem habeo in Oluaria, et alium in uilla Pedrouzos; et si ipse meus seruicialis noluerit esse uester uassallus accipite uos uestram hereditatem, et quod habet diuidat uobiscum per medium et XII armenta que habeo in domo istius homine de mea senara mando cum aliis supradictis monasterio Sancti Iusti. Mando etiam ibi meam portionem // de ecclesia Sancte Marie de Oluaria et quantum habeo in Uilla Uiride et in Reirit et in Oluaria et in Pedrouçios et meam hereditatem quam habeo in Corzo et in Cadarnogia et in Birtar et aliam quantamcumque ubique habeo uel habere debeo tam de auolencia quam de ganancia. Mando etiam eidem monasterio solidos CCC quos de me habet Johannes Petri de Moneta Noua et de, et cetera. Item mando hereditatem meam de Ualeyro soprinis meis Johanni Touio et Petro Touio, armigeris, et post mortem suam relinquant illam liberam et quietam et sine calumpnia monasterio Sancti Iusti. Relinquo supradicto monasterio suam hereditatem de Sonaria liberam et quietam et sine calumpnia cum alia mea hereditate quam ibi ganaui et iacet ista hereditas in filigresia Sancti Michaelis de Trees et Intinis, et debet Petrus Candeel et Cresconius Muniz et uxores eorum tenere istam meam hereditatem tantum in uita sua sicut in nostris placitis resonat. Constituo ego Fernandus Didaci domnum Johannem Tudini, monasterii Sancti Justi abbatem, rectorem tocius mee mandacionis et de meis rebus compleat omnia que superius scripta sunt prout melius sibi uisum fuerit et emendet ista mea mandacione et corrigat quicquid uiderit corrigendum. Decetero ma<n>do ut quicquid extra istam meam mandacionem inuentum fuerit tam in rebus quam in hereditatibus laicis siue ecclesiasticis sit totum de monasterio nullus quod retinere presumat. Siquis igitur contra hanc mandacionem uenerit sit maledictus, amen, et cetera, insuper pariat solidos mille.

Facta mandacione era Ia CCa LXa Ia et quotum tercio nonas marcii.

Q. p. f.: Ego Johannes Tudini, abbas. Johannes Alfonsi, monacus Sancti Justi, conf. Johannes Gundisalui, monachus, conf. Jacob Petri, conf. Petrus Petri de Corzon, monacus, conf. Petrus Arie, clericus, conf. Petrus Candeel, miles, conf. Michael Froyle, miles, conf. Fernandus Sebani, miles et canonicus, conf.

Johannes Didaci, monachus Sancti Iusti, qui erat cum episcopo de Transaltu, confirmat et notuit.