69
1305, decembro, 23. Vilamaior-Mondoñedo.
Convenio entre o arcediago de Viveiro, o cura de Santa María de Viveiro e o Cabido da catedral de Mondoñedo sobre a percepción de décimos dos moradores dos chamados Montes de Sor.
A, perg. de 300 x 147 mm. que conserva os orificios do selo pendente. Letra semigótica.
B, perg. no Calendario I, fol. 86v: ACM, Arm. 3, n.º 9/1.
Ed.: e. cal pardo: “De Viveiro en la Edad Media”, Estudios Mindonienses, 7 (1991), pp. 97-98.
Nouerint uniuersi presentem litteram inspecuri quod orta olim materia inter / decanum et capitulum mindoniense et Paulucum rectorem ecclesie sancte Marie de Viua/rio nomine prefate ecclesie de Uiuario ex una parte et Dominicum Uelasci archidiaconum / de Viuario ex altera parte super terciam partem decimacionum parrochianorum memorate / ecclesie de Viuario comorancium in montibus de Sor scilicet in locis inferius nomi/natis in Cornido in Nauacara (Nauaora?) in Carcallosa entre Ambolos Sores in Barroso in San / Pantaon in Ysai in Lignares in Maia in Caparino in Cabanas in Freixeiro in / Maiofrio in Sisto in Peradela et in Mallados et super decimis Petri Casaas de Pera/dela et Petri Alegre et Roderici Baralla et duorum seruicialium Johannis Martini filii / Martini Martiniz de Azouge et super decimis illorum que nuncupantur Rappas aseren/tes capitulum et rector supradicti tertiam partem decimacionum dictorum locorum et / hominum ibi comorancium et aliorum parrochianorum prefate ecclesie comoran/cium in montibus supradictis qui hic minime nominantur ad ecclesiam de Viuario preha/bitam expectare eo quod ibi audiunt diuina et recipiunt ecclesiastica sacramenta / et quod fuerant in quasi posessione percipiendi decimas a locis et hominibus supra/dictis per se et per rendarios suos; et contrario prefatus archidiaconus asserebat et afirmans / quod in nullo alio tenebatur ecclesie sancte Marie de Viuario nisi quod certam somam pecunie / consueuerat annuo sibi dare per eo quod parrochiani dictorum locorum audiebant et reci/piebant ecclesiastica sacramenta a clericis ecclesie supradicte. Tanden ut dicta questio amodo / sopiretur ad talem deuenerunt composicionem scilicet quod archidiaconus supradictus habeat in / sua uita tantum istam terciam partem omnium decimacionum hominum comorancium / in predictis locis tan grossoum qua minnutorum que capitulum et rector predicti nomine ecclesie / sancte Marie de Uiuario ad se asserunt pertinere et soluat anno quolibet qudringentos / morabetinos usualis monete uidelicet medietatem pro festo beati Martini et aliam / medietatem pro festo Resurreccionis Domini. Post mortem uero dicti archidianconi dicta / tercia pars dictarum decimacionum predictorum locorum remaneat libere et in pace inperpe/tuum capitulo et ecclesie supradictis. Quam composicionem utraque pars et episcopus qui presens est / ratam gratam habuit et acceptam et ad maiorem rei certitudinem mandauerunt / inter se inde fieri duo publica instrumenta et idem episcopus reuerendus pater in hiis / strumentis sigillum suum apponi fecit in testimonium ueritatis. Actum est hoc apud / Villammaiorem xº kalendas januarii Era mª cccª xliiiª.
(Reverso):
A. 44. Avinença das desemas de montes de Sor entre o cabidoo et o archidiago de Viueiro.
