GMH/ÍNDICE A-Z

30
1297, agosto, 18

foro

O cabido afóralles a perpetuidade a Fernando Estévez e á súa muller, Sancha Moniz, unha leira de terreo, coa condición de plantar viña en tres anos, por terza e dous capóns.

 

ACOu, Escrituras XVIII, 40

(ed. M. B. Vaquero Díaz / F. J. Pérez Rodríguez, Colección documental del archivo de la Catedral de Ourense, II, 562-563, doc. 708)

(In) dei nomine amen. Notum sit omnibus per hoc scriptum perpetuo valiturum quod magister Petrus decanus et capitulum auriense dant et conce(dunt in) perpetuo Fernando Stephani et uxori sue Sancie Munionis quandam leyram terreni quam capitulum habet in termino Sancte Eugenie, que inqua leyra vocat de Soutelo, que iacet inter vineam casalis de Mato quod tenuit adforatum a capitulo dominus Petrus (...) iam quondam archidiaconus ex una parte et ex alia parte sautum quod modo tenet Arias Fernandi quod vocatur Soutelo et alii ba(...) quos modo tenent Arias Fernandi et Martinus de Feardos, et superius intestat in quandam leyra Petri Iohani modo judi(...) de Pinol et inferius ferit in predicto sauto et in fonte que vocatur de Soutelo. Dant inquam eis et concedunt dictam leyram tali condicione et ipsi et vox eorum habeant et possideant eam ex nunc iure hereditario perpetuo posidendam et plantent ipsam leyram de vinea usque ad tres annos proximo venientes et dent inde in salvo quolibet anno eidem capitulo terciam partem de omni fructu quod ex ea provenerit per hominem vel maiordomum suum, panem vero in area et vinum in torculari, et duos capones annuatim in festo Sancti Martini. Et predicta leyra debet semper remanere duabus personis tantum et nunquam dividatur in plures et sic perpetuo observetur. Si vero dictam leyram vendere vel obligare voluerint primo capitulo vel alicui de capitulo vendant seu obligent pro iusto precio, qui si eam emere aut obligatam recipere noluerint tunc vendant eam vel obligent tali persone qui teneatur capitulo ad omnia adque ipsi et vox eorum ex predicta tenetur pactione, dum modo non sit miles nec religiosa persona nec servus vel maiordomus alicuius potentis viri. Item non liceat eis nec successoribus eorum super predicta leyra vel parte eius contra capitulum alicuius deffenssionem vel dominium invocare nec anniverssarium super ea vel parte eius ponere vel legare nisi capitulo auriense. Et si contencio fuerit inter vos et capitulum ex aliqua causa per duos de capitulo terminetur omni appellacione remota. Et si per impotenciam vel negligenciam cultura dicte leyre omissa fuerit vel aliquid ex hiis que superius sunt comprehenssa non fuerit observatum, licitum sit capitulo ipsam leyram prout eam invenerit autoritate propria accipere et habere. Et ad \hec/ omnia sit complendum ipse Fernandus Stephani et uxor sua predicta obligavunt se et omnia bona sua habita et habenda. Et capitulum tenetur deffendere eos semper cum predicta leyra ad directum. Actum Aurie xvº kalendas septenber era mª cccª xxxªvª. Testes magister Petrus decanus, Martinus Petri, Rodericus Petri archidiaconus, Petrus Roderici, Domenicus Iohani, Petrus Alfonsi, Fernandus Petri, Vivianus Petri, Mathias Stephani, Petrus Reymundi canonici, Arias Iohani porcionarius.

Et ego Bartholomeus Petri canonicus auriensis eiusdemque civitatis cancellarius premissis interfui et in mea presencia scribi feci signumque meum apposui in testimonium premissorum.

(signum)

[reverso]         Detur capitulo aforamento cuiusdam leyre iacit in termino Sancte Eugenie facto Fernando Stephani et uxori sue Sancie Nuni.