GMH/ÍNDICE A-Z

479
1163/03/21.

Suero Muñiz véndelle ó mosteiro de Toxos Outos a súa herdade en Vilachán, en S. Vicente de Augas Santas, por trinta soldos.

B.- Tombo, f. 135r.

Carta de Suerio Muniz de hereditate de Villa Plana, scilicet VIII.

In Dei nomine. Ego Suerius Muniz et omnis uox mea uniuersaliter vobis abbati domno Arie monasterii Sancti Justi et fratribus omnibus et uniuerse uoci uestre facio kartam uendicionis simul et testamenti partim pro precio partim pro anima mea ut benefactorum partices sim uestrorum de hereditate mea propria que habeo in Uilla Plana territorio Luanie quantumcumque ibi habeo uel habere debeo ex omni mea auolencia, id est VIIIa, pro precio XXX solidorum et pro anime adiutorio supradicto quod mihi et uobis bene complacuit. Ab hac die et in reliquum hereditas hec uestra sit et quod uobis placuerit de ea omni tempore facite et mea imperpetuum nunquam lerit neque uoci mee sed uestra et uoci uestre. Siquis contradixerit hoc scriptum quod fieri mandaui in omni salute et memoria undecumque fuerit sit imperpetuum maledictus usque ad congruam emendacionem et pro ausu hereditatem duplet et domino uoci solidos LXa pectet; et karta ista habeat perpetuam firmitatem.

Facta carta uendicionis seu testacionis in era Ia CCa Ia et quotum XIIo kalendarum aprilis.

Ego Suerius iamdictus in hac carta quod scribere mandaui manus meas roboro.

Q. p. f.: Pelagius, ts. Arias, ts. Petrus, ts.

Martinus qui notuit et conf. (Signum)