GMH/ÍNDICE A-Z

480
1169/04/14.
Munio Páez “Fol” e a súa muller, Maior Páez, cos seus fillos véndenlle ó mosteiro de Toxos Outos a súa herdade en Vilachán, en S. Vicente de Augas Santas, pola metade dun cabalo.

B.- Tombo, f. 135r.



Carta de Munio Fol cum uxore sua de hereditate de Villa Plana.

In Dei nomine. Ego Munio Pelaiz cognomento Fol et vxor mea Maior Pelagii et filiis et filiabus meis et omnis uox mea vobis abbati domno Petro et omni conuentui monasterio Sancti Iusti salutem, amen. Placuit mihi pro bona pacis, uoluntas, et cetera, ut facerem uobis kartulam uendicionis et donacionis de hereditate mea propria que conuenit mihi de patre meo, et est in territorio Luania loco predicto Uilla Plana quantum mihi ibi conuenit inter meos germanos, et est quarta integra de quantum ibi habuit pater meus do uobis atque concedo per ubi eam potueritis inuenire cum quantum aprestitum hominis est pro precio quod de uobis accepi, id est medium de uno caballo obtimo, et pro remedium anime mee, que mihi et uobis bene complacuit. Ita ut de hodie die et tempore de iuri meo sit abrasa et in uestro dominio sit tradita atque confirmata; habeatis uos et omnis posteritas uestra et faciatis de ea que uestra fuerit uoluntas in secula cuncta. Siquis tantum, quod fieri non credo, ut aliquis homo de mea parte uel de extranea in mea uoce contra parte uestra ad irrumpendum uenerit uel uenero pariat uobis quod calumpniauerit duplata uel triplata et uobis perpetim habitura.

Ego iam superius dictus Munio Fol cum uxore Maior Pelaiz et filiis nostris in hac karta manus meas.

Facta carta uendicionis et donacionis die XVIIIo kalendas maii sub era Ia CCa VIIa.

Q. p. f.: Sarracenus Rabinaldez, conf. Pelagius Sarraceni, conf. Petrus Sarraceni, conf. Petrus, ts. Ordonius, ts. Martinus, ts.

Petrus, presbiter, qui notuit et conf.