GMH/ÍNDICE A-Z

307
1033/ 02 / 04
Toderedo, Amanilli, Arias, Todilli, Lázaro e Ermosindo véndenlle a Celanova diversos bens en Bobadela, reservándose ó dereito ó usufructo.
TC, fol. 119v.
In Dei nomine. Ego Toderedo et uxor mea Todesinda ad vobis domno Aloitus abba in Domino Deo eternam salutem amen. Ideo placuit nobis atque convenit spontanea nostra volumptas ut vobis iamdicto abba domno Aloito faceremus cartula vendicionis et sicut et facimus de hereditate nostra propria quos abuimus in villa Buvatella discurrente rivulo Sorice, damus vobis ibi in ipsa villa lareas IIIes de vineas in loco predicto que dicunt Pennauzcos que vobiscum abebamus per medio et ibi iuxta ipsa vestra senara1 terra calla seminatura nulla et sub casa de Vimaredo alia terra almute seminatura. In illas vineas de tia Gontilli alia terra sine seminatura, id est sub castrilione alia terra degas III seminatura et super casa de Lecenio alia laraia sine seminatura et iacet circa illa vestra, et accepimus nos proinde precio in panis et vino modios XII quartarios II que nobis bene complacuit. Et ego Amanilli sic dabo vobis ibi una larea de vinea circa illa vestra super carraria qui discurrit super illo domo de domno Velasco et alia larea de terra in Fontes seminatura quartarios IIos pro que accepi ego in panem et vino modios IIIIor quartario uno. Et ego Arias cum uxore Gontilli sic vendimus vobis ibi una larea de vinea inter illas vestras in illo concluso super vestro domo et de Menindo Pelagiz pro que accepimus precio uno modio. Et ego Todilli davo vobis ibi uno lovio de vinea circa illa vestra pro que accepi precio modio uno que mihi bene complacuit. Et ego Lazaro davo vobis una larea de vinea qui iacet in illo conclaso de tio Dadeo pro que accepi precio modio I que mihi bene complacuit. Et ego Ermosindo dabo vobis larea de terra in pumare de Gaudio nula seminatura pro que accepi precio quartario I que mihi complacuit. Pro ipsa terra vos dedistis et nos diligenter accepimus unusquisque suum precium legitimum et de ipsum precium apud vos nichil remansit indebito sed apud nos est completum, ita ut ab odierno die et deinceps sedeant ipsas eredentias et ipsas vineas de iure nostro abrasas et in vestro iure sint translatas adque confirmatas, abeatis, adeatis et in perpetuum possideatis vel quicquid exinde facere volueritis liberam in Domino potestatem habeatis. Si quis tamen quod fieri non credimus unus ex nobis aut aliqua forma hominis contra hanc cartula vendicionis ad inrumpendum venerit aut venerimus et nos post parte vestra ipsas heredentias non auctorgaverimus potestatem abeatis adprehendere de nos ipsas heredentias et ipsas vineas dupladas aut quantum vobis fuerint melioratas et vos perpetim abituras.

Facta cartula vendicionis pridie nonnas Februarii. Era M LXXI.

Nos supradicti Toderedo cum uxore Todesinda, Amalilli, Arias cum uxore Gontilli, Ermosindo, Lazaro in hanc cartula vendicionis manus nostras roboramus.

Et qui presentes fuerunt: Ieegulfo ts. Lazaro ts. Toderedo ts. Nausti ts. Martino ts.

Gundisalvus notuit.

1 Orixinalmente senera e corrixido.