GMH/ÍNDICE A-Z

16
1295, abril, 22

foro

O cabido afóralles a unha voz a Salvador Pérez e á súa muller, María Martínez, dous casais en Nogueira por terza do cultivado e cuarta do que planten, un cuarteiro de trigo ou dous de centeo, eirádigo acostumado, servizo dun casal, 11 soldos por dereitura, loitosa e participación tras a morte do derradeiro.

 

ACOu, Escrituras VIII, 164

(ed. M. B. Vaquero Díaz / F. J. Pérez Rodríguez, Colección documental del archivo de la Catedral de Ourense, II, 545-546, doc. 692)

 

Notum sit omnibus per hoc scriptum quod magister Petrus decanus et capitulum auriense, presente Fernando Menendi portionario eiusdem ac tenente ab eis cautum de Nucaria et concedente, dant et concedunt Salvatori Petri et uxori sue Marie Martini licet absenti duo casalia que habent in Nucaria inferiori quorum unum vocatur de Ripa et aliud de Torcularibus, ad mo(ntem) et ad fontem cum omnibus iuribus, directuris et pertinenciis suis, hoc modo quod ipsi habeant eum et possideant in tota vita sua utriusque et ad mortem eorum remaneat uni suo filio vel filie vel uni persone quam ultimus eorum duxerit nominandam, et excolant et parent ipsa casalia bene ita quod non deficiant per culturam, et de terris modo cultis dabunt terciam partem de aliis non quas ex nunc reduxerint ad culturam dabunt quartam per hominem capituli, dabunt etiam de ipsis casalibus unum quartarium tritici pro fugacia, vel duos quartarios de centeno si ibi triticum non habuerint de communi, et de utroque casali eyraticum consuetum, et de casali de Ripa tantum dabunt per annum servicia tanquam serviciales, et pro directuris dabunt de utroque casali in festo Sancti Martini annuatin xi solidos alfonsinos alborum, duos denarios pro i solido, vel eorum extimationem si ista moneta non fuerit in usu, et in morte cuiuslibet eorum dabunt luctuosam secundum consuetudinem ipsius cauti, particionem vero non dabunt in vita sua nisi in morte ultimi eorum, veruntamen si ipsi vel aliquis eorum in vita sua dicta casalia relinquere voluerint dabunt partitionem. Et si forte dicta casalia vendere vel obligare voluerint, primo capitulo vel alicui de capitulo vendant seu obligent pro iusto precio, si ipsa recipere noluerint alias vendant ipsa vel obligent tali persone que teneatur capitulo ad omnia ad que ipsi ex predicta tenentur pactione dum modo non sit miles nec religiosa persona nec maiordomus alicuius potentis viri. Iten non liceat eis in dictis casalibus filium vel filiam alicuius militis vel potentis viri alere vel nutrire, nec contra capitulum vel contra illum qui ab eis dictum cautum tenuerit alicuius defensionem vel dominium invocare. Immo si inter ipsos et capitulum ex aliqua causa super dictis casalibus questio mota fuerit per decanum auriense omni appellatione remota ipsa questio terminetur, quod si per impotenciam vel negligenciam cultura dictorum casalium omissa fuerit vel aliquid ex hiis que superius sunt comprehensa non fuerit observatum, licitum sit capitulo ipsa casalia recipere et habere. Facta carta Aurie, xº kalendas maii, era mª cccª xxxª iiiª.

 

            magister Petrus decanus                                              Vivianus Petri

            Petrus Golvan                                                             Johanes Pinaria

            et Martinus Petri archidiaconi                                       Rodericus Petri

            Petrus Velaci magisterscolarum                                  Petrus Reymundi

            Johanes Iohani et Domenicus Iohani                          Fernandus Roderici

            Petrus Roderici, Fernandus Petri                               et Lupus Lupi canonicus

                                      testes                                                     testes

Ego Michael Iohanis canonicus auriensis eiusdemque civitatis cancellarius interfui et scripsi signumque meum apposui.

(signum)